మెగా ఫామిలీ టాల్ హీరో వరుణ్ తేజ్ రెండో సినిమా ‘కంచె’. గమ్యం, వేదం, కృష్ణం వందే జగద్గురుం, గబ్బర్ ఈస్ బ్యాక్ వంటి విభిన్న చిత్రాల దర్శకుడు క్రిష్ ఈ సినిమాకు దర్శకత్వం వహిస్తున్నాడు. మొదటి సినిమా ‘ముకుందా’ లో చేసిన వరుణ్ ఇప్పుడీ రెండో సినిమా ‘కంచె’లో సరికొత్త పాత్రలో అందరినీ ఆశ్చర్యపరచనున్నారని తెలుస్తోంది. దర్శకుడు క్రిష్ ఈ సినిమాను రెండో ప్రపంచ యుద్ధం నేపథ్యంలో తెరకెక్కించారన్న టాక్ ఇప్పటికే వార్తల్లో వచ్చింది. ఇలాంటి కథ అనేసరికి అనీల్ కపూర్, మనీషా కొయిరాల 1942 లవ్ స్టోరీ గుర్తుకు వస్తుంది. మరి ఈ కథ ఎలా ఉంటుందో గానీ అది కూడా ప్రేమ కథే. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఇక ఈనెల 15న స్వాతంత్ర్య దినోత్సవం సందర్భంగా కంచె ఫస్ట్‌ లుక్, టీజర్‌లను విడుదల చేయనున్నారని సమాచారం. విజువల్స్ పరంగా ఈ సినిమా చాలా బాగుంటుందని ఈ చిత్ర యూనిట్ చెబుతోంది. ఈ చిత్రం అక్టోబర్ 2న గాంధీ జయంతి సందర్భంగా విడుదల చేస్తున్నట్టు ఇప్పటికే తెలిపారు.
.jpg)
