జూనియర్ ఎన్టీఆర్-సుకుమార్ తో కలిసి చేస్తున్న ‘నాన్నకు ప్రేమతో’ సినిమా అంతా లండన్ లోనే ఎక్కువగా షూటింగ్ జరుపుకుంది. దాదాపు మూడు నెలల పాటు ఈ సినిమా షూటింగ్ కోసం ఎన్టీఆర్ లండన్ లోనే ఉన్నారు. ఈ చిత్రం ఇప్పుడు ముగింపు దశకు చేరుకోవచ్చింది. ఇప్పుడు లండన్ నుంచి తిరిగొచ్చిన ఎన్టీఆర్ ఈ సినిమా తదుపరి షెడ్యూల్ సిద్ధ మవుతున్నారు. అయితే ఈ సినిమా పూర్తి కావస్తున్నందున తన తరువాతి సినిమా కొరటాల శివ దర్శకత్వం లో చేయబోతున్నారు. ఇప్పటికే వీరిమధ్య చర్చలు జరుగుతున్నట్టు తెలిసింది. శ్రీమంతుడు విజయాన్ని ఆస్వాదిస్తూ దాదాపు రెండు నెలలు విరామం తీసుకున్న కొరటాల శివ ఇక తన తదుపరి చిత్రం కోసం ప్లాన్ చేస్తున్నారు. శ్రీమంతుడు విజయంతో ఎంతో మంది హీరోలు తనతో ఓ సినిమా చేయాలని ఉవ్వీళ్ళూరినప్పటికీ ఎన్టీఆర్ తో సినిమా చేయాలని ముందే ఫిక్సయిన కొరటాల శివ ఈ సినిమా దసరా రోజున మొదలు పెట్టాలనుకుంటున్నారట. అప్పటి వరకూ ఎన్టీఆర్-సుకుమార్ సినిమా పూర్తి కాకపోవచ్చు. ఆ సినిమా తరువాత కొరటాల శివ రెగ్యులర్ షూటింగ్ మొదలవుతుందని అంటున్నారు.
.jpg)
