నాగార్జున సొంత నిర్మాణ సంస్థ అన్నపూర్ణ స్టూడియోస్ బేనర్ లో హీరో శ్రీకాంత్ తనయుడు రోషన్ తో ఓ చిత్రం రెడీ అవుతున్న విషయం ఇంతకుముందే వార్తల్లో వచ్చింది. ఇప్పుడు తాజాగా ఈ చిత్రానికి సంబంధించిన పాటను అమల పుట్టిన రోజైన సెప్టెంబర్ 24న విడుదల చేయడానికి సిద్ధమయ్యారు. శ్రీకాంత్ తనయుడు రోషన్ హీరోగా పరిచయమవుతున్న 'నిర్మలా కాన్వెంట్‌' చిత్రం గురించి చెపుతూ నాగార్జున ఇది ఒక ఫ్రెష్ లవ్ స్టోరీ అన్నారు. ఈ చిత్రానికి సంబంధించిన ‘ఒక్కసారి ఓ ముద్దు' సాంగ్ విడుదల చేయాలని నిర్ణయించారు. దాదాపు 10 రోజుల ముందుగానే అన్నపూర్ణ స్టూడియోస్ కు సంబంధించిన సోషల్ మీడియా పేజీ ద్వారా ఈ సాంగ్ విడుదల చేశారు. రోషన్ ఫోటోలు ఇటీవల నాగార్జున విడుదల చేసారు. శ్రీకాంత్-ఊహ దంపతులకు పెద్ద కుమారుడు రోషన్ రూపుకు తగినట్టు గానే క్యూట్ లవ్ స్టోరీతో చిత్రం తీస్తున్నారు. ఈ చిత్రంలో హీరోయిన్ గా జై చిరంజీవ, దూకుడు, రోబో వంటి చిత్రాల్లో బాలనటిగా నటించిన శ్రేయా శర్మ నటిస్తోంది. నాగకోటేశ్వరరావు దర్శకత్వంలో రూపొందనున్న ఈ చిత్రంలో నాగార్జున ప్రత్యేక పాత్రలో కనిపించనున్నారు. మరో ప్రత్యేకత కోటి తనయుడు రోషన్ సాలూరి ఈ చిత్రానికి సంగీతం అందిస్తున్నాడు. ఈ చిత్రం జైపూర్ లో మొదటి షెడ్యూల్, మెదక్ లో రెండో షెడ్యూల్ జరుపుకుంది. సెప్టెంబర్ 7 నుండి అరకులో షూటింగ్ జరుపుకుంటోంది. ఆదిత్య మీనన్, సత్యకృష్ణ, అనితా చౌదరి, తాగుబోతు రమేష్ లు ఇతర ముఖ్య పాత్రలు పోషిస్తున్నారు. ఈ చిత్రానికి సంగీతం: రోషన్ సాలూరి, సినిమాటోగ్రఫీ: ఎస్.వి.విశ్వేశ్వర్, నిర్మాణం: అన్నపూర్ణ స్టూడియోస్, మ్యాట్రిక్స్ టీమ్ వర్క్స్, దర్శకత్వం: జి.నాగకోటేశ్వరరావు.
.jpg)
