నిరోష అనగానే గుర్తుకు వచ్చేసి ‘సింధూర పువ్వా తేనె చిందించ రావా....’అనే పాట. తెలుగులో డబ్బింగ్ అయిన తమిళ సినిమా ఇది. అప్పట్లో ఈ సినిమా బ్లాక్ బస్టర్ అయ్యింది కూడా. ఈ సినిమా హీరో రాంకీనే నిరోషా రియల్ లైఫ్ హీరో. మణిరత్నం ‘ఘర్షణ’ సినిమాలో ‘ఒక బృందావనం... సోయగం’ బికినీలో నటించి అందాలు ఒలక బోసిన హీరోయిన్ నిరోష. ‘స్టూవర్ట్‌పురం పోలీస్ స్టేషన్’లోచిరంజీవితో, నారీ నారీ నడుమ మురారిలో బాలయ్యతో, కొబ్బరి బోండంలో రాజేంద్రప్రసాద్ నటించింది. తెలుగు ప్రేక్షకులు తొందరగా మర్చిపోలేని నిరోష కోసం ఆ మధ్య ఓ ఛానల్ వాళ్ళు వెతికి పట్టుకున్నారు కూడా. ఇప్పుడు ఈమె తమిళంలో కొన్ని సీరియళ్లలో నటిస్తున్నారు. తెలుగులోనూ ప్రాముఖ్యత గల అమ్మ, అక్క, వదిన పాత్రలకు ఆఫర్ వస్తే చేస్తానంటోంది. సింధూర పువ్వు సమయంలోనే రాంకీ ప్రేమలో పడి పెద్దల అంగీకారంతోనే పెళ్ళి చేసుకున్నారు. ఒక ఆదర్శ భావంతో పిల్లలు వద్దనుకుని, అనాధ పిల్లల చదువులకు, పోషణకు తాము సంపాదించింది ఖర్చు చేస్తున్నారట. ప్రస్తుతం భర్త రాంకీతో కలిసి సినిమాలు నిర్మించే ఆలోచనలో ఉన్నట్టు తెలుపుతోంది ఈ అలనాటి సింధూర పువ్వు.
.jpg)
