నార్మల్ లుక్ లో పవర్ స్టార్

పవర్ స్టార్ ‘సర్దార్’ ఫస్ట్ లుక్ ఆయన కనిపించకుండా రిలీజ్ చేశారు. తుపాకీ, పోలీస్ డ్రెస్ మాత్రం కనిపిస్తోంది. పోలీస్ డ్రెస్ లో ఉన్నాడంటే మరి గడ్డం కనిపించకూడదు కదా...  పోస్టర్ ఇలా కనిపించిందంటే... పవన్ జస్ట్ అలా ఫస్ట్ లుక్ ఇచ్చాడేమో... గడ్డం తీసెయ్యలేదేమో అన్న అనుమానం వచ్చింది... సింహం గడ్డం గీసిందండీ.... ఇన్నాళ్ళుగా ఆయన్ను గడ్డంలో చూసిన జనాలు ఇది సినిమా కోసం పెంచుకున్నారని అనుకున్నారు. కానీ పవన్ షూటింగ్ టైమ్ లో తీసిన ఫొటోలు బయటికి వచ్చాయి. ఆయనిప్పుడు గడ్డం తీసేసి కనిపిస్తున్నారు. అంటే ఆయన సినిమాలో గడ్డంతో కనిపించరన్న మాట. దర్శకుడు బాబీ తన ట్విట్టర్ ద్వారా ఈ ఫోటోలు విడుదల చేశారు. ఆయన పుట్టిన రోజు సందర్భంగా పవర్ స్టార్ తో ఫొటో దిగి అందరితో షేర్ చేసుకున్నాడు. ఎట్టకేలకు షూటింగ్ ప్రారంభం కావడం, పవన్ కళ్యాణ్ కూడా జాయిన్ కావడంతో అభిమానులు హ్యాపీగా ఉన్నారు. ప్రస్తుతం ఈ షూటింగ్ హైదరాబాద్ లోని అల్యూమినియం ఫ్యాక్టరీలో ప్రారంభం అయింది. ఇక్కడ కీలకమైన యాక్షన్ సన్నివేశాలు. కొన్ని సీన్లు చిత్రీకరించనున్నారు. ఈ చిత్రానికి కెఎస్.రవీంద్ర(బాబీ) దర్శకత్వం వహిస్తున్నారు. జైనన్ విన్సెంట్ సినిమాటోగ్రఫీ సమకూరుస్తుండగా, దేవిశ్రీ ప్రసాద్ సంగీతం అందిస్తున్నారు. పవన్ కళ్యాణ్ క్లోజ్ ఫ్రెండ్ శరత్ మరార్ ‘నార్త్ స్టార్ ఎంటర్టెన్మెంట్స్' బేనర్లో ఈ చిత్రాన్ని నిర్మిస్తున్నారు. ఈ చిత్రాన్ని విలేజ్ ఫ్యాక్షన్ బ్యాక్ డ్రాప్ తో తెరకెక్కిస్తున్నట్టు తెలుస్తోంది.