ప్రభాస్ కి పీకే నచ్చలేదట...

ఒక తెలుగు సినిమా బాలీవుడ్ రేంజ్ లో కలెక్షన్లు రాబడుతోందంటే ఈ సినిమా ఇంకెంత పీక్ లెవెల్ చేరుకోనుందో ఊహించలేకపోతున్నాం. కలెక్షన్స్ పరంగానే కాదు వెబ్ మీడియాలో ‘భాహుబలి’ పేజీకి ఇప్పటి వరకు 13 లక్షల లైక్స్ రావడంతో ఈ విషయంలో కూడ ‘బాహుబలి’ సరికొత్త రికార్డులను క్రియేట్ చేసింది. ఈ రికార్డులను తిరగరాసే సినిమా రావాలంటే మరో 10 సంవత్సరాలు పట్టవచ్చునంటున్నారు విశ్లేషకులు. ఈరోజు విడుదలై బ్లాక్ బస్టర్ హిట్ టాక్ తెచ్చుకున్న ‘బాహుబలి’ సినిమా పై ఒక ప్రముఖ దిన పత్రికకు ప్రభాస్ ఇంటర్వ్యూ ఇస్తూ బాలీవుడ్ లో నటించాలని ఉంది అన్న తన మనసులోని కోరికను బయట పెట్టాడు. అయితే ఎటువంటి సినిమాలలో నటించాలి అన్న విషయమై తనకు క్లారిటీ లేకపోయినా బాలీవుడ్ టాప్ డైరెక్టర్ రాజ్ కుమార్ హిరాణి సినిమాలు తనకు చాలా ఇష్టమనీ, ఆయన దర్శకత్వం వహించిన ‘మున్నాభాయ్ ఎం.బి.బిఎస్’, ‘త్రి ఇడియట్స్’ సినిమాలను ఇప్పటికి 20 సార్లు చూసుంటానని అన్నాడు. అయితే రాజ్ కుమార్ హిరాణి తీసిన ‘పికె’ సినిమా తనకు నచ్చలేదని బాహాటంగా కామెంట్ చేశాడు. అమీర్ ఖాన్ నటనకు పరాకాష్టగా నిలిచిన ఈ బాలీవుడ్ సినిమా ఇప్పటి వరకు ఏ హీరో అందుకోలేని 600 కోట్ల కలెక్షన్లు రాబట్టిన ఈ సినిమా పై ప్రభాస్ ఇలా కామెంట్ చేయడం అమీర్ ఖాన్ అభిమానులకు షాకింగ్ వార్త అయ్యింది. గతంలో కూడ ప్రభాస్ తెలుగులో మెహర్ రమేశ్ దర్శకత్వంలో ‘బిల్లా’ సినిమాను చేస్తున్నప్పుడు  తాను తమిళంలో అజిత్ చేసిన ‘బిల్లా’ సినిమాను చూశానని అది తనకు నచ్చలేదన్నాడు. ఇప్పుడు ఏకంగా బాలీవుడ్ టాప్ హీరో అమీర్ ఖాన్ ను ప్రభాస్ టార్గెట్ చేయడం ప్రభాస్ ముక్కుసూటి తనానికి, వ్యక్తిత్వానికి నిదర్శనం...