ప్రొడక్షన్ హౌజ్ ప్రారంభించబోతున్న ప్రభుదేవ

అన్ని రంగాల్లోనూ ప్రావీణ్యం అందరికీ ఉండక పోవచ్చు. అలాగే నటించే వాళ్ళలో కూడా ఒక్కొక్కరు ఒక్కోదాంట్లో బెస్ట్ అనిపించుకుంటారు. ప్రభుదేవ అలా కాదు రావడం డాన్స్ మాస్టర్ గా వచ్చి ఇండియన్ మైకేల్ జాక్సన్ అన్న పేరు తెచ్చుకున్నాడు. అటు తరువాత నటన... డైరెక్షన్ అన్నిట్లో తన టాలెంట్ నిరూపించుకున్నాడు. ఇప్పుడు నిర్మాతగా కూడా మారబోతున్నాడు. అతను సొంతంగా ఓ ప్రొడక్షన్ హౌస్ స్థాపించారు. చెన్నైలో ఏర్పాటు చేసిన మీడియా సమావేశంలో తన ప్రొడక్షన్ హౌస్‌కు సంబంధించిన లోగోను విడుదల చేసారు. ‘ప్రభుదేవా స్టూడియోస్'  పేరుతో ప్రొడక్షన్ హౌస్ స్థాపిస్తున్నట్లు ప్రభుదేవా వెల్లడించారు. తమ బేనర్లో హై క్వాలిటీ, కంటెంట్ ఓరియెంటెడ్ సినిమాలు తెరకెక్కించబోతున్నట్లు ప్రభుదేవా తెలిపారు. తమ బేనర్లో క్రియేటివ్ టాలెంట్ ఉన్న వారికి ఒక మంచి ఫ్లాట్ ఫాంలా ఉంటుందని తెలిపారు. తమ బేనర్లో నిర్మించబోయే తొలి సినిమా గురించి ఆగస్టు 3న ప్రకటన చేస్తామని ప్రభుదేవా తెలిపారు. దేశ వ్యాప్తంగా టాలెంట్ ఉన్న వారిని గుర్తించి తమ బేనర్ ద్వారా అవకాశాలు కల్పిస్తామని, ఇప్పటి జనరేషన్లో దాగి ఉన్న టాలెంట్ వెలికి తీసేందుకు పలువురు ప్రముఖుల సహాయం తీసుకుంటానని ప్రభుదేవా తెలిపారు. ప్రస్తుతం ప్రభుదేవా అక్షయ్ కుమార్ హీరోగా ‘సింగ్ ఈజ్ బ్లింగ్' అనే చిత్రాన్ని తెరకెక్కిస్తున్నారు. అక్షయ్ కుమార్, దల్జీత్ దోసంజ్, అమీ జాక్సన్, లారా దత్తా, అర్పి లాంబ, వివేక్ ఒబెరాయ్, బిపాసా బసు తదితరులు నటిస్తున్న ఈ చిత్రాన్ని అశ్విని యార్డి నిర్మిస్తున్నారు. అక్టోబర్ 2న ఈ సినిమా ప్రేక్షకుల ముందుకు రాబోతోంది.