ఇదేం కాంబినేషన్: అల్లరోడితో పూరీ???

హీరోయిజాన్ని ఒక్క సీన్ కాదు కాదు ఒక్క డైలాగ్ తో సింపుల్ గా చూపించేస్తూ కథ, కథనంతో పెద్దగా సంబంధం లేకుండా హిట్ల మీద హిట్లు కొట్టేస్తున్నాడు పూరీ జగన్నాథ్. అయితే ఆయన సినిమాల్లో ఏదీ అవుద్దో... ఏదీ ఫట్టవ్వుద్దో ఎవరూ చెప్పలేం అనుకోండి. ఇక సుడిగాడు అనే స్ఫూఫ్ మూవీ ద్వారా సడన్ స్టార్ గా మారిపోయి, ఆ తర్వాత అసలు హిట్ అనే పదానికి దూరమయ్యాడు అల్లరి నరేష్. వచ్చిన సినిమాలు వచ్చినట్లే షెడ్డూకెళ్లిపోతున్నాయి. ఒకప్పుడు రాజేంద్ర ప్రసాద్, ఇప్పుడు అల్లరి నరేష్ అన్నస్థాయికి ఎదిగి, ప్రస్తుతం అతని సినిమాలను కనీసం టెలివిజన్ శాటిలైట్ రైట్స్ కొనేందుకు కూడా ఎవరూ ముందుకు రావటంలేదంటే పరిస్థితి ఎంత దిగజారిందో అర్థం చేసుకోవచ్చు. అలాంటిది వీరిద్దరి కాంబినేషన్లో మూవీ ఏంటా అని నోళ్లు వెళ్లబెట్టకండి.

                                  ప్రస్తుతం పూరీ ఏ హీరోతో సినిమా చేస్తున్నాడు అన్నదానిపై ఓ స్ఫష్టత లేదు. కానీ, మహేష్ తో మాత్రం సినిమా త్వరలో ఉండబోతుందని ఆ మధ్య చెప్పుకొచ్చాడు. అయితే మహేష్ మాత్రం మరో ఏడాదిన్నర ఖాళీగా ఉండేలా లేడు. ఈ లోపు ఓ ఇంట్రస్టింగ్ కాంబినేషన్ కి తెర లేపాడు పూరీ. అల్లరి నరేష్   తో ఓ సినిమా చేసేందుకు రంగం సిద్ధం చేసుకుంటున్నాడంట. నరేష్ ప్రస్తుతం ఈశ్వర్ రెడ్డి అనే కొత్త దర్శకుడితో చిత్రం చేస్తున్నాడు. అది పూర్తి కాగానే ఈ కాంబినేషన్లో సినిమా పట్టాలెక్కుతుందని సమాచారం. ఈ చిత్రాన్నిఅత్తారింటికి దారేది, నాన్నకు ప్రేమతో చిత్రాలను తెరకెక్కించిన బీవీఎస్ఎస్ఎన్ ప్రసాద్ నిర్మాతగా వ్యవహరించబోతున్నాడని సమాచారం.  వినడానికి క్రేజీగా ఉన్న ఈ కాంబో లో పోకిరి లాంటి చిత్రం వస్తుందో... లేక దాని స్ఫూఫో తెలియాలంటే కొద్ది రోజులు ఆగాల్సిందే.