సౌత్ లో మేల్ డామినేషన్ ఎక్కువ అంటూ... సంచలన వ్యాఖ్యలు చేసిన రాధిక ఆప్టే సూపర్ స్టార్ రజనీకాంత్ సినిమాకు కమిట్ అయిపోయింది. ప్రముఖ దర్శకుడు రంజిత్ దర్శకత్వంలో ఓ చిత్రం తెరకెక్కనున్న విషయం ఇంతకుముందే చాలా వార్తలు వచ్చాయి. ఈ సినిమాలో రజనీకాంత్ గ్యాంగ్ స్టర్ డాన్ గా నటించబోతున్నాడు. ఈ చిత్రానికి సంబంధించి ఇటీవలే రజనీకాంత్ పై ఓ ఫోటోషూట్ కార్యక్రమం కూడా జరిపారని తెలిసింది. ఇందులో రజనీ సరసన నటించే హీరోయిన్ గా బాలీవుడ్ సెక్సీ భామ రాధిక ఆప్టే పేరు వినిపిస్తూ వచ్చింది. ఈ వార్తలను ఇప్పుడు ఆప్టే నిజం చేసింది. ఈ సినిమాలో తాను నటించబోతున్నట్లుగా ప్రకటించింది. సౌత్ సినిమాల్లో నటించనన్న భామ మళ్ళీ ఎలా నటిస్తోందని అందరూ అనుకుంటారని, ఈ సినిమా గురించి ఆమె మాట్లాడుతూ.... ఈ సినిమా కథతో పాటు నా పాత్ర కూడా చాలా కీలకం. అని అంటోంది. తమిళం మాట్లాడ్డమే చాలా కష్టంగా ఉందంటోంది. రజనీకాంత్ తో నటించడం చాలా ఆనందంగా ఉందంటూ ఆయన కంటే పెద్ద స్టార్ ఎవరూ ఉండరంటోంది. ఈ సినిమాలో తన పాత్ర పాటలకు, అందచందాలు చూపించడం వరకే ఉండదని అంటోంది. తన క్యారెక్టర్లు దర్శకుడు చాలా విభిన్నంగా చూపిస్తారని అంటోంది. కాళీ టైటిల్ తో రెడీ అవుతున్న ఈ సినిమా ఈ నెల 21 ప్రారంభించబోతున్నారట.
.jpg)
