జానకమ్మకు జీవితసాఫల్య పురస్కారం

బుధవారం (22 జులై) రేడియో మిర్చి మ్యూజిక్ అవార్డ్ ల కార్యక్రమం సినీస్టార్ల తో సందడిగా జరిగింది. తెలుగు సినిమా స్టార్లతో పాటు కమల్ హాసన్, కుష్బూ వంటి ప్రముఖ నటులు కూడా ఈ వేడుకలో తళుక్కున మెరిసారు. దక్షిణాది అన్ని భాషల్లోనూ ఎన్నో అద్భుత గీతాల్ని ఆలపించిన జానకమ్మను రేడియో మిర్చి జీవన సాఫల్య పురస్కారంతో సత్కరించింది. ఈ కార్యక్రమానికి సౌత్ స్టార్స్ మహేష్ బాబు, అల్లు అర్జున్ హాజరై ప్రత్యేక ఆకర్షణగా నిలిచారు. ఇంకా జివి ప్రకాష్ కుమార్, శివకార్తికేయన్, మధుర శ్రీధర్ రెడ్డి, అదిత్ అరుణ్, సుధీర్ బాబు, శ్రీనివాస్ అవసరాల, మధుమిత, శివ బాలాజీ, శ్రీధర్ లగడపాటి, కళ్యాణి మాలిక్, కె విశ్వనాథ్, కుష్బూ, శివ, సునిత, సుధాకర్ కోమాకుల, గంగై అమరన్, వసంత్ తదితరులు పాల్గొన్నారు. అవార్డులన్నీ ‘ఊహలు గుసగుసలాడే' సినిమా పాటలకే దక్కాయి. ఆల్బమ్ ఆఫ్ ది ఇయర్ అవార్డుతో పాటు సాంగ్ ఆఫ్ ది ఇయర్ (ఏం సందేహం లేదు..సాంగ్), మేల్ వోకలిస్ట్ ఆఫ్ ది ఇయర్(ఏం సందేహం లేదు సాంగ్ - కళ్యాణి కోడూరి), ఫిమేల్ వోకలిస్ట్ ఆఫ్ ది ఇయర్(ఏం సందేహం లేదు సాంగ్- సునీత) , మ్యూజిక్ కంపోజర్ ఆఫ్ ది ఇయర్(కళ్యాణి కోడూరి), లిరిసిస్ట్ ఆఫ్ ది ఇయర్(ఏం సందేహం లేదు సాంగ్-అనంత శ్రీరామ్) అవార్డులు దక్కాయి. ఈ కార్య్రక మంలో ప్రముఖ గాయని జానకమ్మను జీవన సాఫల్య పురస్కారంతో సత్కరించారు.