లేడీ పోలీస్ గా రాశి ఇరగదీస్తుందా?

లేడీ పోలీసాఫీసర్ గా విజయశాంతిని చూసిన కళ్ళతో, ఆ లెవల్ లో మరే తారైనా మెప్పించగలదా? అప్పుడో ఇప్పుడో లేడీ పోలీసాఫీసర్లను చూస్తున్నాం గానీ... విజయశాంతిని మించిన తార ఇప్పటికి రాలేదనే చెప్పాలి. ఇదంతా ఎందుకంటే... నిన్న మొన్న హీరోయిన్ గా వచ్చిన రాశీఖన్నాకు పోలీసు పాత్ర ఆఫర్ వచ్చింది.  ఇలాంటి పాత్ర వస్తే పరవాలేదు కానీ తనను పవర్ ఫుల్ గా చూపారంటే మాత్రం విజయశాంతిలాగా అమ్మడు ఇంటి ముఖం పట్టాల్సిందే. నిజమే మరి ఇది మేల్ డామినేట్ ఇండస్ట్రీ. విజయశాంతి అప్పట్లో లేడీ అమితాబ్‌గా సంపదించుకున్న కీర్తి తెచ్చుకున్నా, ఆ తరువాత ఏ పెద్ద హీరో ఆమె సరసన నటించలేదు. ఆమె లేడీ ఓరియెంటెడ్ సినిమాలు వరుసగా కొన్ని వచ్చినా ఎప్పుడూ అవే పాత్రల్లో చూడలేరు గా... ఆ తరువాత హీరోయిన్‌గా మరుగున పడిపోయింది... వెండి తెరకూ దూరమైంది. విజయ శాంతి పోలీసు పాత్రల్లోకి దిగక ముందు అందరు హీరోలతోనూ బోలెడు సక్సెస్ సినిమాలు చేసింది. ఆమె కర్తవ్యం సినిమా చేసే నాటికి టాప్ హీరోయిన్ గా వెలిగిపోతోంది. మరి రాశి ఖన్నా నేమో ఇప్పుడెప్పుడే ఎదుగుతున్న తార మరి ఈవిడి పోలీసు పాత్ర  ఎలా ఉంటుందో? జస్ట్ ఎంటర్ టైన్ చేయడం వరకూ అయితే పరవాలేదు. ఈ పాత్రే తనకు బ్రేక్ ఇస్తే, ఇక చిన్న హీరోలతో చేసుకోవాల్సిందే అమ్మడు. ఊహలు గుసగుసలాడే చిత్రంతో పక్కింటి అమ్మాయి ఇమేజితో కెరీర్‌ ప్రారంభించిన రాశిఖన్నా.. జోరు, జిల్‌ చిత్రాలద్వారా గ్లామర్‌డాళ్‌గా స్థిరపడింది. ఈ పోలీసు పాత్ర రావడం పట్ల తనకు ఈ పాత్ర చాలా ఇంటరెస్ట్ అంటూ బోలెడు ఖుషీ ఖుషీ కబుర్లు చెపుతున్న ఈ అమ్మడికి ఇది సక్సెస్ అయితే మాత్రం ఆఫర్ల కష్టాలు తప్పవు మరి.