సందీప్ ‘ఆ ఒక్క అమ్మాయి’ ఎవరో?

సందీప్ కిషన్ జోరు బాగానే ఉందండోయ్... ఒకదాని తరువాత ఒకటి వరుసపెట్టి సినిమాలు చేసుకుపోతున్నాడు. అంతకకు ముందు సినిమాలు బీరువా, జోరు ఫ్లాపులిచ్చినా, టైగర్ తో ఓ హిట్ కొట్టాడు. ఇప్పుడు మళ్లీ ఓ కొత్త చిత్రానికి కొబ్బరికాయ కొట్టేశాడు సందీప్ కిషన్. ఈ సినిమాకు ‘అక్క అమ్మాయి తప్ప’ అనే టైటిల్ ఫిక్స్ చేశారు. చాలా డిఫరెంట్ గా ఉంది కదా పేరు. అంటే ‘ఆ ఒక్క అమ్మాయి తప్ప’ ఈ హీరోగారికి మిగిలిన వారంతా సోదరీ మణులేమో... రాజసింహ తాడినాడ దర్శకత్వంలో అంజిరెడ్డి ప్రొడక్షన్స్ పతాకంపై బోగది అంజిరెడ్డి నిర్మిస్తున్నారు ఈ చిత్రాన్ని. ఈ చిత్ర ప్రారంభోత్సవ వేడుక శుక్రవారం హైదరాబాద్ లోని రామానాయుడు స్టూడియోస్ లో జరిగింది. ముహూర్తపు సన్నివేశానికి వి.వి.వినాయక్ క్లాప్ కొట్టగా, జెమినీ కిరణ్ కెమెరా స్విచ్ ఆన్ చేసారు. అనిల్ సుంకర గౌరవ దర్శకత్వం వహించారు. ఈ సందర్భంగా..
దర్శకుడు రాజసింహ మాట్లాడుతూ.. ప్రేమించుకుందాం రా సినిమాతో రచయితగా ప్రయాణం మొదలుపెట్టాను. సురేష్ బాబు, పరుచూరి బ్రదర్స్ వంటి వారి దగ్గర రచయితగా పని చేసాను. సందీప్ కిషన్ కు మూడు సంవత్సరాల క్రితం నేను ఈ సినిమా కథ చెప్పాను. ఆయనకు నచ్చడంతో అప్పటి నుండి నాతో ట్రావెల్ చేస్తున్నారు. ఈ చిత్రం ఇంతకముందే చేయాల్సివుంది కాని కుదరలేదు. ఇదొక కమర్షియల్ మూవీ. కొత్త బ్యాక్ డ్రాప్ తో ఉంటుంది. సినిమాలో 45 నిమిషాలు గ్రాఫిక్స్ ఉంటుంది. షూటింగ్ కోసం పెద్ద ఫ్లై ఓవర్ సెట్ వేస్తున్నాం. అక్టోబర్ 10 నుంచి షూటింగ్ మొదలు పెట్టి డిసెంబర్ కు ముగించాలని ప్లాన్ చేస్తున్నాం. మిక్కి జె మ్యూజిక్ అంటే నాకు చాలా ఇష్టం. ఆయన ఈ సినిమాకు మ్యూజిక్ అందించడం ఆనందంగా ఉంది.. అని చెప్పారు.  
సంగీత దర్శకుడు మిక్కి జె మేయర్ మాట్లాడుతూ.. రొటీన్ లవ్ స్టొరీ సినిమాకు సందీప్ తో కలిసి వర్క్ చేసాను. మరోసారి ఆయనతో వర్క్ చేస్తుండడం సంతోషంగా ఉంది. అన్నారు. నిర్మాత అంజిరెడ్డి మాట్లాడుతూ.. సినిమా చూపిస్తమావా చిత్రంతో నిర్మాతగా మారాను. ఆ సినిమా మంచి విజయాన్ని సాధించింది. అలానే ఈ మూవీ కూడా పెద్ద విజయం సాధించాలి.. అని చెప్పారు. హీరో సందీప్ కిషన్ మాట్లాడుతూ.. ఈ స్టొరీ రాజసింహ నాకు 2012 లో చెప్పాడు. ఈ కథ అంజిరెడ్డి గారికి కూడా నచ్చడంతో ఈ సినిమాను ప్రొడ్యూస్ చేయడానికి ముందుకొచ్చారు. మంచి కమర్షియల్ ఎలిమెంట్స్ తో కొత్త బ్యాక్ డ్రాప్ లో ఉండే కథ. లవ్ స్టొరీ కూడా ఉంటుంది. తెలివైన కాలేజి కుర్రాడి పాత్రలో కనిపిస్తాను.. అని చెప్పారు.
సినిమాటో గ్రాఫర్ చోటా కె నాయుడు మాట్లాడుతూ.. అంజిరెడ్డి గారు నిర్మాత అనగానే సినిమాపై చాలా నమ్మకం కుదిరింది. అదే నమ్మకంతో అందరం కలిసి సినిమా చేస్తున్నాం.. అని చెప్పారు.