గుర్తుపట్టారా ఈ పొన్నుని....

ఓయ్.... సినిమాలో.... ఓహో అనిపించుకోలేక పోయిన బాల నటి షామిలీ ఈ అమ్మడు... నటన పరంగా ఫరవాలేదనిపించినా... అమ్మడిని చూసి ప్చ్ అన్నారంతా... హీరోయిన్ అనగానే గ్లామర్ చూస్తారందరూ.. అందులో బాలనటిగా వచ్చిన వారంతా... హీరోయిన్ గా ఆహా... ఏముంది? అనిపించుకోవాలాయే... అయితే ఈ అమ్మడు ఆ ఒక్క సినిమాకే వెనుదిరిగింది... ఇప్పుడు మళ్ళీ ఆ షామిలీయేనా అని నోరు వెళ్ళబెట్టేలా గ్లామర్ గా తయారై వచ్చింది. ఇందులో ఎవరి హస్తం ఉందనుకుంటున్నారు. తమిళ్ స్టార్ హీరో అజిత్... స్వయానా షామిలీ బావగారు. ఆయనే ఈ ఫొటో సెషన్ కు నాయకుడు.
అయితే షామిలీ  ‘ఓయ్’ తరువాత చదువుల కోసం సినిమాలను వద్దనుకొని విదేశాలకు వెళ్లిందట. ఇటీవలే తన చదువులు పూర్తి కావడంతో మళ్లీ సినిమాల్లోకి ఎంట్రీ ఇవ్వాలనుకుంది. ఈసారి మాత్రం బావగారి ప్రోత్సాహం చాలా ఉందని షామిలి చెబుతోంది. షామిలి అక్క షాలిని, బావ అజిత్. వీరిద్దరే తన బాగోగులు చూసుకునేవారని చెబుతోంది.
మొదట సినిమాలకు వద్దన్నాడట బావగారు.  సరేనని ఊరుకుందట షామిలీ. కానీ నటనపై తనకున్న ఆసక్తిని గుర్తించిన తన బావ... వెంటనే గ్రీన్ సిగ్నల్ ఇవ్వడంతో పాటు స్వయంగా ఓ ఫోటోషూట్ ఏర్పాటు చేశాడట. ఆయన ఒప్పుకోవడంతో ప్రస్తుతం రెండు చిత్రాలను అంగీకరించింది షామిలి. అందులో ఒకటి విక్రమ్ ప్రభు నటిస్తున్న ‘వీరశివాజీ’ చిత్రం కాగా, మరొకటి ధనుష్ హీరోగా నటించే కొత్త చిత్రం. ఈ రెండు చిత్రాలు కూడా విభిన్న కథాంశాలని షామిలి చెబుతోంది. అయితే నటనకు ప్రాధాన్యం ఉన్న పాత్రలను మాత్రమే చేస్తానంటోంది. స్కిన్  షో మాత్రం చేయ్యనంటోంది ఈ అమ్మడు.