దీపావళికి ‘శంకరాభరణం’ లేనట్టే...!

విభిన్న కథలను ఎంపిక చేసుకుంటూ సినిమాలు చేసుకుపోతున్న నిఖిల్ ఇప్పటికే ఓ హ్యాట్రిక్ కొట్టాడు. ఇక నాలుగవ సినిమా కూడా కోనవెంకట్ సమర్పణలో ఓ వెరైటీతో కథతో తెరమీదకు రాబోతున్నాడు. గోల్డెన్ జూబ్లీ సినిమా పేరును తమ సినిమాకు పెట్టేసుకుని సక్సెస్ సాధించాలనుకుంటున్నారు శంకరాభరణం సినిమా బృందం. నిఖిల్ కు జతగా నందిత నటిస్తోంది. ప్రముఖ రచయిత కోన వెంకట్ సమర్పణలో ఎం.వీ.వీ. సత్యనారాయణ నిర్మించిన ఈ చిత్రానికి ఉదయ్ నందనవనమ్ దర్శకుడు. 
షూటింగ్ మొత్తం పూర్తి చేసుకున్న ఈ సినిమా పోస్ట్ ప్రొడక్షన్ వర్క్స్ ని కూడా పూర్తి చేసుకుంది. దాంతో ఈ సినిమా ప్రమోషన్స్ ని స్పీడప్ చేసింది. ఈ రోజు (అక్టోబర్ 30) ఈ సినిమా ఆడియో లాంచ్ కార్యక్రమాన్ని హైదరాబాద్ లో నిర్వహించనున్నారు.
అలాగే ఈ చిత్ర టీం రిలీజ్ డేట్ ని అనౌన్స్ చేయకపోయినా ముందు నుంచి దీపావళికి రిలీజ్ చేస్తాం అని అంటూ వస్తున్నారు. ఎందుకంటే ఏదన్నా పెద్ద సినిమా వస్తే ఇబ్బంది అవుతుందని వారు రిలీజ్ డేట్ ని అనౌన్స్ చేయలేదు. అనుకున్నట్టుగానే అఖిల్ అక్కినేని ‘అఖిల్’ సినిమాని దీపావళి కానుకగా నవంబర్ 11న రిలీజ్ చేయాలని ఫిక్స్ చేస్తుండడంతో శంకరాభరణం టీం దీపావళి సీజన్ నుంచి తప్పుకోవడానికి సిద్దంగా ఉంది. నవంబర్ 20వ తేదీని శంకరాభరణం రిలీజ్ కోసం ఫిక్స్ చేసారు. ఒకవేళ మళ్ళీ అఖిల్ వాయిదా పడితే ఈ సినిమా ముందుకు వచ్చే అవకాశం ఉంది.