శంకరాభరణం టీజర్ పవన్ చేతులతో...?

సినిమా వేడుకలకు పవన్ పవన్ ఇమేజ్ ను ఉపయోగించుకోవాలని చాలా మంది ప్రయత్నిస్తున్నప్పటికీ పవన్ కళ్యాణ్ మాత్రం వీటికి బహు దూరంగా ఉండడం అందరికీ తెలిసిందే. కానీ శంకరాభరణం టీమ్ మాత్రం పవన్ బర్త్ డే సందర్భాన్ని వాడుకుని పవనిజంపై ఓ పాటని చేసి విడుదల చేసింది. ఇప్పుడు పవనిజం డేని కూడా వాడుకునేందుకు సిద్ధమయ్యారు. ఆదివారం వరల్డ్ పవనిజం డే ఈ సందర్భంగా శంకరాభరణం టీజర్ ని విడుదల చేయాలని నిర్ణయించారు. ఈ టీచర్ ను పవన్ కళ్యాణ్ విడుదల చేస్తున్నట్టు ప్రచారం కూడా జరుగుతోంది. 
కానీ తన కుటుంబ ఫంక్షన్లకే రాని పవన్ కళ్యాణ్ ఈ టీజర్ విడుదల చేయడానికి ఎలా వస్తాడని అందరూ అనుకుంటున్నారు. కోన వెంకట్ కి పవన్ మాటిచ్చాడని ఈ చిత్రం బృందం చెప్పుకుంటోంది. పవన్ ని రప్పించే కార్యక్రమం కాకుండా సర్దార్ గబ్బర్ సింగ్ లొకేషన్ లోనే టీజర్ విడుదల చేయొచ్చని ప్రచారం జరుగుతోంది.
చిత్రానికి రచయిత, సమర్పకుడు అయిన కోన వెంకట్ తెలివిగా పవన్ క్రేజ్ వాడుకొనే ప్రయత్నం చేస్తున్నాడు. పవన్ కీ - కోనకీ మధ్య మంచి అనుబంధం ఉంది. ఆ అనుబంధంతోనే పవన్ శంకరాభరణం టీజర్ ని విడుదల చేయడానికి ఒప్పుకొన్నట్టు తెలుస్తోంది. ఉదయ్ నందనవనం దర్శకత్వం వహిస్తున్న ఈ క్రైమ్ కామెడీ కథ శంకరాభరణంలో నిఖిల్- నందితలు నటిస్తున్నారు. ఈ సినిమా చిత్రీకరణ దాదాపు పూర్తయింది. ఇటీవలే గుమ్మడికాయ కూడా కొట్టేశారు. నవంబరులో ప్రేక్షకుల ముందుకు తీసుకొస్తారని సమాచారం.