దసరా సంబరం చేసుకోబోతున్న ‘షేర్’

ఇటీవల కాలంలో సినిమాలు వాయిదాలు పడుతూ... మరికాస్త ఆలస్యంగా విడుదల చేయడం ఎక్కువగా వినిపిస్తోంది. ఇప్పుడు అఖిల్ సినిమా కూడా దసరాకు అనుకున్నది కాస్త పోస్ట్ పోన్ అయిపోయింది. అయితే దసరా రోజు సినిమాలు విడుదల చేయాలనే సెంటిమెంట్ ఉన్నప్పటికీ కొన్ని... పెద్ద సినిమాల రిలీజ్ కారణంగా పోటీని తట్టుకోలేక వేరే డేట్లు పెట్టుకుంటున్న సినిమాలు కూడా ఉంటాయి. అలా ఇప్పుడు నందమూరి కళ్యాణ్ రాం ‘షేర్’ సినిమాను దసరా బరిలో అఖిల్ సినిమా ఉన్నందున ఈ నెల 30న విడుదల చేయాలనుకున్నారు. కానీ అఖిల్ వాయిదాతో అనుకున్న సమయానికంటే ముందుగానే అంటే దసరాకు షేర్ విడుదల చేయాలని అనుకుంటున్నారు. అనౌన్స్ మెంట్ త్వరలో చేయబోతున్నారని తెలుస్తోంది. పటాస్ జోష్ తో కళ్యాణ్ రాం ‘షేర్’ అనే సినిమా తీసాడు. మల్లికార్జున్ దర్శకత్వంలో రూపొందుతోన్న ఈ సినిమా ఇప్పటికే అన్ని కార్యక్రమాలనూ పూర్తి చేసుకొని అక్టోబర్ 30న ప్రేక్షకుల ముందుకు వచ్చేందుకు సిద్ధమైంది. కాగా దసరా పండగ రోజున భారీ అంచనాల మధ్య విడుదల కావాల్సి ఉన్న అఖిల్ సినిమా వాయిదా పడడంతో దసరా సీజన్‌లో ఒకవారం స్లాట్ ఖాళీ అయ్యింది. ఇక ఈ వారం విడుదలయ్యేందుకు ఇప్పటికే కంచె సినిమా రంగం సిద్ధం చేసుకోగా, షేర్ సినిమా కూడా అదే రోజున విడుదలయ్యే సూచనలు కనిపిస్తున్నాయి. దసరా పండగకు సినిమా వస్తే కలెక్షన్స్ బాగుంటాయన్న ఉద్దేశంతో షేర్ టీమ్ అక్టోబర్ 30వ తేదీ నుండి అక్టోబర్ 22వ తేదీకీ సినిమాను తేదీకి మార్చేస్తోంది.