ఇసాయ్ తో కోరిక తీర్చుకున్న దర్శకుడు

పవన్ కళ్యాన్ సినిమా కెరీర్ లో ఒక బ్లాక్ బస్టర్ మూవీ అంటే ’ఖుషి‘. ఈ సినిమా డైరెక్టర్ ఎస్.జె.సూర్య. ఇతగాడు తమిళుడే అయినా తెలుగులో మూడు సినిమాలకు డైరెక్షన్ చేశాడు. అందులో ‘ఖుషి’ ఒక్కటి హిట్టవ్వగా ‘కొమరం పులి’, ’నాని’ రెండూ ఫ్లాపులే. ఇంతకీ చెప్పొచ్చేదేమిటంటే... ఎస్.జె.సూర్య డైరెక్టర్ మాత్రమే కాదు మొదట నటుడు తరువాత డైరెక్టర్, రైటర్, ప్లేబ్యాక్ సింగర్ కూడా. ఇంతటి కళాకారుడు ఈ మధ్య పూర్తి నిడివిగల ‘ఇసాయ్’ అనే ఓ చిత్రంలో నటించి తన సంగీత అభిలాషనూ తీర్చుకున్నాడు. ఇందులో నటించడమే కాకుండా తనే దర్శకత్వ బాధ్యతలను తీసుకుని, మ్యూజిక్‌ లో కూడా వేళ్లు పెట్టాడు. ఈ సినిమాకు నిర్మాత కూడా తనే. దీన్ని సక్సెస్ చేసి తన చిరకాల కోరికను తీర్చుకున్నాడట ఎస్.జె.సూర్య. అయితే ఇందులో మరో నటుడు సత్యరాజ్ నటనకు ఆడియన్స్ ఎక్కువ మార్కులు వేశారు. ఈ స్టోరీ ఇద్దరు మ్యూజిక్ డైరెక్టర్ల మధ్య వార్ లాంటిది. సినిమా విడుదలకు ముందు ఇది ఇళయరాజా-ఎ.ఆర్. రెహ్మాన్ ల ఈగోకు చెందిన కథ అని కూడా ప్రచారం జరిగింది. ఈ సినిమా హిట్ తో ఇప్పుడు తమిళ నాట ఎస్.జె.సూర్య నెక్స్ట్ ప్రాజెక్టు గురించిన చర్చలు జరుగుతున్నాయి. నటనా-డైరెక్షనా? అని ఎవరైనా ప్రశ్నిస్తే... తనకు డైరెక్షన్ అంటేనే ఇష్టమనీ, ఇకపై కమర్షియల్ చిత్రాలు తీయాలనే కోరికతో ఉన్నానని చెప్పాడట. ఓ తెలుగు సినిమా చేయాలనే ఆలోచనతో ఒక హీరోతో టచ్ లో ఉంటున్నట్టు టాక్ వినిపిస్తోంది.