ప్రమోషన్ లో భాగంగా శ్రీమంతుడు మేకింగ్ వీడియో

మరి రెండు రోజుల్లో శ్రీమంతుడిని చూసెయ్యొచ్చు. ఈ సినిమా నిర్మాతలు ప్రమోషన్ లో భాగంగా ఓ మేకింగ్ వీడియోను విడుదల చేశారు.  సెన్సార్‌ పూర్తి చేసుకున్న ఈ చిత్రం ఎలాంటి కట్స్‌ లేకుండా క్లీన్‌ యూ బై ఏ సర్టిఫికెట్ తీసుకుంది. ఇది కుటుంబ కథా చిత్రం. ఇంతవరకూ వచ్చిన కుటుంబ కథా చిత్రాలన్నీ బాక్సాఫీస్ వద్ద సక్సెస్ అయినవే. మురారి, సీతమ్మ వాకిట్లో, అతడు... లాంటి యాక్షన్, కామెడీ, సాంగ్స్, ప్రేమ వంటి అన్ని ఎలిమెంట్స్ చూపించిన కుటుంబపరమైన చిత్రాలు... మైత్రీ మూవీస్‌ మేకర్స్‌, ఎంబీ ఎంటర్‌టైన్‌మెంట్స్‌ సంయుక్తంగా శ్రీమంతుడు చిత్రాన్ని నిర్మించారు. చిత్రం గురించి కొరటాల శివ మాట్లాడుతూ... ‘‘అతను అపర శ్రీమంతుడు. ధనంలో... గుణంలోను. జీవుడల్లె పుట్టి.. ఆ వూరికి దేవుడల్లె వచ్చాడు. స్నేహానికి నిర్వచనంలా, త్యాగానికి చిరునామాలా కనిపిస్తాడు. ఇక అతని అందం గురించి ఏమని చెప్పాలి? అతని నవ్వు.. ప్రేమకు చిహ్నంలా ఆకర్షిస్తుంది. కాముడు రాసిన గ్లామర్‌ డిక్షనరీలా చటుక్కున ఆకట్టుకొంటాడు. అలాంటి అబ్బాయిని ఏ అమ్మాయైనా ప్రేమించకుండా ఉంటుందా? ఓ అమ్మాయి కూడా మనసిచ్చేసింది. మరి ఆ ఇద్దరి వలపుల ప్రయాణం ఏ రీతిన సాగిందో తెలియాలంటే మా సినిమా చూడాల్సిందే’’ అంటున్నారు. ''మహేష్‌ లాంటి ఓ గొప్ప నటుడితో సినిమా చేసే అవకాశం ఇంత తొందరగా రావడం నా అదృష్టం. మహేష్‌ ఇమేజ్‌కి నాలుగు ఫైట్లు, పాటలు ఉంటే సరిపోదు. ఒక పెద్ద కాన్వాస్‌లో కథ ఉండాలని కష్టపడి రాశా. మహేష్‌గారికి చెప్పినప్పుడు 'ఈ కథని ఇంత కమర్షియల్‌గా చెప్పొచ్చా?' అని ఆశ్చర్యపోయారు. మహేష్‌తో ఈ సినిమా తీయడం ఆనందంగా ఉంది'' అన్నారు. ఈ సినిమాలో ఒకప్పటి ప్రేమ జంట జగపతి బాబు, సుకన్యలు మహేష్ బాబు కు తల్లిదండ్రులుగా నటించడం మరో విశేషం. పెద్దరికం ఈ ప్రేమ జంట ఇప్పుడు పెద్దలుగా ఈ సినిమాలో ఎలా పెర్ఫార్మ్ చేయనున్నారో చూడాల్సిందే.

http://telugu.filmibeat.com/news/video-offscreen-srimanthudu-movie-making-047195.html