శ్రీమంతుడు బ్లాక్ టికెట్లు భారీ ధరకు

శ్రీమంతుడు సినిమా టికెట్ల కోసం ఇటు ఆన్ లైన్ బుకింగ్ లు అటు సినిమా థియేటర్ల వద్ద క్యూ కట్టడాలు పెద్ద ఎత్తున జరుగుతోంది. మహేష్ ఫ్యాన్స్ మరింత ఉత్సాహంతో టికెట్ల కోసం ప్రయత్నిస్తున్నారు. అప్పుడే ఈ టికెట్లు వారం రోజుల వరకూ హౌజ్ ఫుల్ అయిపోయాయంటున్నారు. ప్రస్తుతం ‘శ్రీమంతుడు’ సినిమా టికెట్లకు అభిమానులు పలు సినిమా థియేటర్ల వద్ద భారీగా క్యూ కడుతున్నారు. ఇప్పుడు ‘శ్రీమంతుడు’ కు బుకింగ్ ధరలు కాకుండా విడిగా కొనాలంటే చాలా కాస్ట్ లీ అంటే అర్థమైంది కదా... బ్లాక్ లో అమ్ముడుపోతున్నాయి. విడుదల కాకముందే ఈ బ్లాకు టికెట్ల రేట్లు ఈ రేంజ్ లో ఉంటే ఇక విడుదలయ్యాక ఎలా ఉంటాయో ఊహించుకోవచ్చు. 
ఇంతకుముందు ఎప్పుడూ రాని కొత్త కాన్సెప్ట్, మహేష్ సైకిల్ తొక్కుతూ కామన్ మాన్ గా కనిపించడం... ఇక లుంగీతో రోడ్డుమీద నడవడం... ఇవన్నీ అభిమానులకు పిచ్చెక్కించేస్తున్నాయి. ఈ సినిమా ఎప్పుడెప్పుడు చూడాలని ఆతృత వారిలో మరింత పెరిగిపోతోంది. 
ఈ చిత్రంలో జగపతి బాబు, సుకన్య, రాజేంద్రప్రసాద్, రాహుల్ రవీంద్రన్, పూర్ణ తదితరులు ప్రధాన పాత్రలలో నటించారు. కొరటాల శివ దర్శకత్వంలో తెరకెక్కిన ఈ చిత్రం ఫ్యామిలీ లవ్ యాక్షన్ ఎంటర్ టైనర్ గా రూపొందింది. భారీ అంచనాలతో రూపొందిన ఈ చిత్రాన్ని తమిళంలో ‘సెల్వాందన్’ పేరుతో విడుదల చేస్తున్నారు. మైత్రీ మూవీ మేకర్స్ సంస్థ ఈ చిత్రాన్ని భారీ బడ్జెట్ తో నిర్మించింది. మరి ఈ సినిమా ఎలాంటి విజయం సాధించనుందో రేపు తేలిపోతుంది.