శ్రీనువైట్ల - రామ్ చరణ్ హీరోగా నటిస్తున్న సినిమా ప్రస్తుతం సెట్స్ పై ఉంది. ఈ దర్శకుని సినిమాలంటేనే కామెడీ, యాక్షన్ సీన్లను బాగా ఆశించవచ్చు. ఈ సినిమా షూటింగ్ ప్రస్తుతం హైదరాబాద్ పరిసర ప్రాంతాల్లో జరుగుతోంది. ప్రతి సినిమాలోనూ హై లెవల్లో కామెడీని పెట్టే శ్రీనువైట్ల ఈ సినిమాలోనూ సూపర్బ్ కామెడీని అందించనున్నాడు. అందుకోసం శ్రీను వైట్లకు ఓ వెర్రిపప్ప కమెడియన్ కావాలిగా... ఈ క్యారెక్టర్ లో బ్రహ్మాజీని ఎంచుకున్నాడు. బ్రహ్మాజీ ఈ సినిమాలో ఓ స్టార్ హీరో అట. ఇంకనేం చెపుతుంటేనే నవ్వొస్తోంది... బ్రహ్మాజీ ఎక్స్ ప్రెషన్స్ కూడా వీరలెవెల్లోనే ఉంటాయి. మరీ స్టార్ హీరో పోజులంటే మాటలా? అయితే బ్రహ్మాజీ కనిపించే అన్ని గెటప్స్ లో రామ్ చరణ్ కూడా కనిపిస్తాడు. కారణం బ్రహ్మాజీకి డూప్ స్టంట్ మాస్టర్ గా రాంచరణ్ నటిస్తున్నాడు. ఇటీవలే రామ్ చరణ్ – బ్రహ్మాజీలపై వచ్చే కొన్ని కామెడీ సన్నివేశాలను షూట్ చేసారు. రామ్ చరణ్ ఈ మూవీలో స్టంట్ మాస్టర్ గా కనిపించనున్నాడని ఇదివరకే తెలియజేశాం. ఈ సినిమాలో రామ్ చరణ్ ని ఢీ కొట్టనున్న విలన్ పాత్రలో తమిళ స్టార్ అరుణ్ విజయ్ కనిపిస్తాడు. రామ్ చరణ్ సరసన రకుల్ ప్రీత్ సింగ్ హీరోయిన్ గా నటిస్తోంది. చెల్లిగా కృతి కర్భంద నటిస్తోంది. నదియా ఓ ప్రత్యేక పాత్రలో కనిపించనుంది. డివివి దానయ్య నిర్మిస్తున్న ఈ సినిమాకి ఎస్ఎస్ తమన్ మ్యూజిక్ అందిస్తున్నాడు. అక్టోబర్ 15న ఈ సినిమాని రిలీజ్ చేయనున్నారు.
.jpg)
