లక్ చిత్రంతో బాలీవుడ్ లో అరంగేట్రం చేసి తన లక్ పరీక్షించుకుంది శృతి. అప్పటి లక్ క్లిక్ అవకపోయినా.... ఇప్పుడు మరోసారి తన అదృష్టాన్ని బాలీవుడ్ లో పరీక్షించుకోడానికి సిద్దమైంది. ప్రస్తుతం ఆమె నటించిన ‘వెల్‌కమ్‌ బ్యాక్’ చిత్రం ట్రైలర్ విడుదలైంది. సినిమా ఎలా ఉంటుందో తెలియదు కానీ శృతి హాసన్ పెర్ఫార్మెన్స్ అదుర్స్... చిత్రంలో అనిల్‌ కపూర్‌, నానా పటేకర్‌, జాన్‌ అబ్రహం, డింపుల్, పరేష్ రావల్ వంటి ప్రముఖులెందరో కనిపిస్తున్నారు. హేమా హేమీలందరూ అదరగొడుతున్నారు. ఈ చిత్రానికి సంబంధించిన ట్రైలర్‌ను అనీల్‌ కపూర్‌ తన ట్విట్టర్‌ అకౌంట్ ద్వారా విడుదల చేశారు. 2007లో వచ్చిన వెల్‌కమ్‌ చిత్రానికి రెండో భాగమే ఈ వెల్‌కమ్‌ బ్యాక్ చిత్రమట. మొదటి చిత్రంలో అక్షయ్‌కుమార్‌, కత్రినా కైఫ్‌ జంటగా నటించగా, అనిల్‌ కపూర్‌, నానాపటేకర్‌ ప్రధాన పాత్రలు పోషించారు. తాజాగా రానున్న వెల్‌కమ్‌బ్యాక్‌ చిత్రంలోని జాన్‌ అబ్రహాం సరసన శృతిహాసన్‌ జంటగా నటించింది. అనీశ్‌ బజ్మీ ఈ చిత్రానికి దర్శకుడు. ఈ చిత్రం పూర్తి కామెడీతో నడుస్తుందని ట్రైలర్ చూస్తే అర్దమవుతోంది. ప్రస్తుతం శృతి హాసన్ కు టాలీవుడ్, కోలీవుడ్, బాలీవుడ్ లో ఆఫర్లు బాగానే వస్తున్నాయి. మహేష్ బాబు తో శ్రీమంతుడులో, విజయ్ సరసన పులి చిత్రం, అక్షయ్ కుమార్ తో గబ్బర్ చిత్రం(ఠాగూర్ రీమేక్) హీరోయిన్ గా చేస్తోంది.
.jpg)
