నాలుగు దశాబ్దాలకు పైగా ఇండస్ట్రీలో వుంటూ పంపిణీ రంగంలో విశేషానుభవాన్ని సంపాదించి ఎన్నో సూపర్‌ డూపర్‌ హిట్‌ చిత్రాలను వైజాగ్‌ ఏరియాలో పంపిణీ చేసి సక్సెస్‌ఫుల్‌ డిస్ట్రిబ్యూటర్‌గా ఎదిగి వైజాగ్‌ రాజుగా మంచి పేరు ప్రఖ్యాతులు సంపాదించుకున్నారు. ఇప్పుడు ఆయన కుమారుడు సత్యకార్తీక్‌ను ‘టిప్పు’ చిత్రం ద్వారా హీరోగా ఇంట్రడ్యూస్‌ చేస్తున్నారు. చిన్నప్పటి నుండి సినిమాలను చూస్తూ, సినిమాల పట్ల ఆసక్తిని పెంచుకుని ఎప్పటికైనా హీరో కావాలని కలలు కన్న సత్యకార్తీక్‌ తను కలలు కన్న సినిమా ఇండస్ట్రీలోకి హీరోగా ‘టిప్పు’ చిత్రం ద్వారా రాబోతున్నారు. ఆదిత్య ఫిలింస్‌ పతాకంపై సత్య కార్తీక్‌ హీరోగా కనికా కపూర్‌, ఫమేలా హీరోయిన్స్‌ గా జగదీష్‌ దానేటిని దర్శకునిగా పరిచయం చేస్తూ డి.వి. సీతారామరాజు నిర్మిస్తున్న చిత్రం ‘టిప్పు’. ఈ చిత్రం షూటింగ్‌ పూర్తి చేసుకుని పోస్ట్‌ ప్రొడక్షన్‌ కార్యక్రమాలు శరవేగంగా జరుపుకుంటోంది. మణిశర్మ సంగీతం అందించిన ఈ సినిమా ఆడియో విడుదల కార్యక్రమాన్ని హైద‌రాబాద్‌లోని జె.ఆర్‌.సి.క‌న్వెక్ష‌న్‌ సెంట‌ర్‌లో ఈ నెల 29న నిర్వ‌హించ‌నున్నారు. ఈ వేడుక‌కి ప‌లువురు సినీ, రాజ‌కీయ ప్ర‌ముఖులు హాజ‌ర‌వుతార‌ని నిర్మాత తెలియ‌జేశారు.
.jpg)
