నిన్ననే వార్త వచ్చింది... ఈ రోజే త్రివిక్రమ్ సార్ అ...ఆ లు మొదలెట్టేశారండీ... ఇక నితిన్ బాగా నేర్చుకోవడమే తరువాయి... నితిన్ హీరోగా త్రివిక్రమ్ సినిమా ఈ రోజు టెంకాయ కొట్టేశారు. వెరైటీ టైటిల్ ‘అ...ఆ' (అనసూయ రామలింగం వర్సెస్ ఆనంద్ విహారి) అనే చిత్రానికి గురువారం రామానాయుడు స్టూడియోలో అట్టహాసంగా ప్రారంభోత్సవం చేశారు. నితిన్, త్రివిక్రమ్, నిర్మాత ఎస్.రాధాకృష్ణ, సుధాకర్ రెడ్డి లు ఈ కార్యక్రమంలో పాల్గొన్నారు. ఈ చిత్రంలో హీరోయిన్ సమంత కాగా మరో మళయాళ నటి అనుపమ పరమేశ్వరన్ (‘ప్రేమమ్' ఫేం) మరో హీరోయిన్ గా నటిస్తోంది. ఈ చిత్రం రెగ్యులర్ షూటింగ్ అక్టోబర్ 5 నుంచి ప్రారంభించనున్నట్టు తెలిపారు. తమిళ యంగ్ మ్యూజిక్ డైరెక్టర్ అనిరుద్ రవిచందర్ సంగీతం అందిస్తున్నారు. ఈ డైరెక్టర్ మొదటి సినిమా తరుణ్ (నువ్వే నువ్వే)తో తీసినప్పటికీ ఎక్కువ సినిమాలు పవన్ కళ్యాణ్, మహేష్ బాబు, అల్లు అర్జున్ తో చేశారు. ఈ ముగ్గురు హీరోలతో రెండేసి సినిమాలు చేసాడు త్రివిక్రమ్. ఇప్పుడు పెద్ద స్టార్లను కాదని నితిన్ తో చేస్తుండడం ఇది ఇండస్ట్రీలో పెద్ద టాపిక్ అయి కూర్చుంది. ఎప్పటిలా దేవీశ్రీని కాకుండా అనిరుధ్ని, సినిమాటోగ్రాఫర్ ను కూడా మార్చి రాజీవ్ మీనన్ ను ఎంపిక చేసుకున్నట్లు తెలుస్తోంది. ఇలా పూర్తి మార్పలతో చేయబోయే ఈ సినిమా పూర్తి భిన్నంగా ఉండబోతుందని ఫిల్మ్ ఇండస్ట్రీలో ప్రముఖులు భావిస్తున్నారు. ఏది ఏమైనా నితిన్ కు త్రివిక్రమ్ సినిమా చేయడమనేది ఇప్పటి వరకూ ఉన్న అందరు స్టార్ డైరెక్టర్లతో చేసే అదృష్టం దక్కింది. పైగా స్టార్ హీరోలతో చేసిన సమంత కూడా తనకు హీరోయిన్ గా నటించడం విశేషం.
.jpg)
