ఏ హీరోకు దక్కని అరుదైన అవకాశం హీరో నితిన్ కు దక్కింది. కారణం ఇప్పుడు పెద్ద దర్శకులందరితోనూ నితిన్ పని చేసే అవకాశం వచ్చింది. అయితే త్రివిక్రమ్ తో కూడా నటించే ఛాన్స్ ఇప్పుడు నితిన్ కు రావడం అదృష్టం. మామూలుగా త్రివిక్రమ్ కూడా మహేష్, పవన్ కళ్యాన్ లాంటి పెద్ద హీరోలతో చేసే త్రివిక్రమ్ ఇప్పుడు నితిన్ ను హీరోగా తీసుకోవడంపై ఇండస్ట్రీలో పెద్ద చర్చనీయాంశం అయ్యింది. ఈ సినిమా కోసం పోస్ట్ ప్రొడక్షన్ పనులు శరవేగంగా జరుపుతూ ఈ నెలాఖరులో సెట్స్ పైకి తీసుకువెళ్ళేందుకు ప్రయత్నిస్తున్నారు. ఈ సినిమాకు పేరును కూడా నిర్ణయించేశారు. అ ఆ ('అనసూయ రామలింగం' వర్సెస్ 'ఆనంద్ విహారి' అన్నది ఉప శీర్షిక) అట. క్రేజీ దర్శకుడి క్రేజీ టైటిల్. నితిన్, సమంత ల కాంబినేషన్ లో హారిక అండ్ హాసిని క్రియేషన్స్' రూపొందించనున్న చిత్రమిది. త్రివిక్రమ్ దర్శకత్వం లో నితిన్ తొలిసారిగా నటిస్తున్న ఈ చిత్రంలో ఆయన సరసన సమంతనాయికగా తొలిసారిగా నటిస్తున్నారు. మరో కధానాయిక గా ' అనుపమ పరమేశ్వరన్'(మలయాళ చిత్రం 'ప్రేమమ్' ఫేం) ను ఎంపిక చేశామని తెలిపారు నిర్మాత సూర్యదేవర రాధాకృష్ణ (చినబాబు). వరుసగా 'జులాయి, సన్ ఆఫ్ సత్యమూర్తి' వంటి ఘన విజయం సాధించిన చిత్రాల తరువాత త్రివిక్రమ్ దర్శకత్వం లోనే తమ బ్యానర్ లో మూడవ చిత్రాన్ని నిర్మించటానికి సిద్ధమయ్యారు అభిరుచి గల నిర్మాత సూర్యదేవర రాధాకృష్ణ (చినబాబు). ఈ చిత్రాన్ని 2016 సంక్రాంతికి విడుదల చేయాలని ప్లాన్ చేస్తున్నాడు నిర్మాత. ఈ చిత్రానికి సంగీతం- అనిరుధ్, కెమెరా- నటరాజ్ సుబ్రమణియన్, ఆర్ట్-రాజీవన్, ఎడిటింగ్ -కోటగిరి వెంకటేశ్వర రావు, సౌండ్ డిజైనర్- విష్ణు గోవింద్, శ్రీ శంకర్, ఎగ్జిక్యూటివ్ ప్రొడ్యూసర్- పి.డి.వి.ప్రసాద్.
.jpg)
