‘ఉపేంద్ర 2’ లుక్సే విచిత్రం....

15 ఏళ్ళ క్రితం ఉపేంద్ర సినిమాలంటే యువతకో క్రేజ్... అప్పట్లోనే చాలా భిన్నంగా... వెరెటీ కాన్సెప్టులతో వచ్చాయి. ఆ సినిమాలు ఇప్పుడు చూసినా కొత్తగానే అనిపిస్తాయి. అప్పట్లో సినిమా కాన్సెప్టులో పూర్తి ఇన్వాల్వ్ మెంట్ ఉన్న హీరో ఉపేంద్ర. ఆయన పేరుతో వచ్చిన సినిమా కన్నడలోనే కాదు. తెలుగులోనూ ఓ పెద్ద సంచలనం. అప్పటి దాకా సౌత్ ఇండియాలోనే కాదు ఇండియాలోనే అలాంటి ఓ హీరో క్యారెక్టరైజేషన్ తో ఎవ్వరూ సినిమా తీయలేదు. హీరో హిపోక్రసీకి తావివ్వకుండా ప్రేమ కోసం ఒకరు, డబ్బు కోసం ఒకరు,  సుఖం కోసం ఇంకొకరిని ప్రేమించాలనుకోవడం... బాబోయ్ ఏంటిది అనుకున్న వారూ ఉన్నారు. కొత్త దనం కోరుకునే వారికి చాలా వెరైటీగానూ అనిపించింది. అయితే కేప్సన్ నేను కాదు నువ్వుకు ఓ మీనింగ్ ఉంది అప్పట్లో వచ్చిన ఉపేంద్ర ‘నేను’ (అతని పేరు కూడా) మనస్తత్వానికి తగినట్టున్న పేరు. మగాడిలోని ఇగోను సంతృప్తి పరిచే ఆ సినిమా అప్పల్లో మగమహారాజులకు భలేగా నచ్చేసింది. మళ్ళీ ఇన్నేళ్ల తర్వాత ఉపేంద్ర సినిమాకు సీక్వెల్ గా ఉపేంద్ర-2 తీశాడు. ఈ నెల 14న ఈ సినిమా రిలీజవుతోంది. తెలుగులో కూడా అదే రోజు విడుదల చేయనున్నారు. ఈ సందర్భంగా ఆదివారం ఆడియో ఫంక్షన్ చేసి.. ట్రైలర్ రిలీజ్ చేశారు. ఉపేంద్ర లో ‘నేను’ అనే పాత్ర వేస్తే.. ఇందులో ‘నువ్వు’ అనే క్యారెక్టర్ చేశాడు. అంటే ఆ ఉప్పికి, ఈ ఉప్పికి మనస్తత్వంలో పూర్తి భిన్నం అన్నట్టు తెలుస్తోంది. అందుకే క్యాప్షన్ కూడా ‘నేను కాదు నువ్వు’ అని పెట్టినట్టున్నాడు. ట్రైలర్ లో ఉపేంద్ర ఎక్కడా కనబడడు. ఉపేంద్ర 2 లుక్స్ మాత్రం అప్పటి మాదిరిగానే భిన్నం... ఆ పిలకలేంటో... ఆ అఘోరా అవతారమేంటో...? భిన్నత్వం కోరుకునే వారు ఉప్పి సినిమా మీద దండ్రయాత్ర చేయడం ఖాయం.