విభిన్న చిత్రాల నటుడు కమల్ హాసన్ నటించిన ‘ఉత్తమ విలన్’ చిత్రం ఏప్రిల్ 2న విడుదల చేస్తున్నట్టు ఇప్పటికే ప్రకటించారు. ఈ చిత్రం ఆడియోను మాత్రం చెన్నయ్ లో అట్టహాసంగా మార్చి 1న విడుదల చేయనున్నట్టు ప్రకటించారు. కమల్ హాసన్, ఆండ్రియా, పూజా కుమార్, నాజర్ ఇందులో ప్రధాన పాత్రలు పోషిస్తున్నారు. ఈ చిత్రానికి గిబ్రాన్ మ్యూజిక్ అందించారు. కమల్ హాసన్ నటించిన ‘విశ్వరూపం 2’ చిత్రానికి కూడా గిబ్రాన్ మ్యూజిక్ అందించడం విశేషం. ఇందులో ఏడు పాటలు ఉండగా ఆడియో ఫంక్షన్లో ఐదు పాటలను మాత్రమే విడుదల చేయనున్నారట. మరో రెండు పాటలు కథలో ఎక్కువ భాగం తెలుపుతున్నట్టు ఉండడవ వల్ల ఈ పాటలను విడుదల చేయడం లేదని తెలుస్తోంది. మరో వార్త ఏమిటంటే, కమల్ హాసన్ ఈ ఆడియో ఫంక్షన్లో ఇప్పటి వరకూ విలన్లుగా నటించి సినిమాు సేవలందించిన నటులను సన్మానించబోతున్నారట. ఇది ఈ ఆడియో హైలెట్ కానుంది. ఇక ఈ చిత్రానికి రమేష్ అరవింద్ దర్శకత్వం వహించిగా, ఎన్.లింగస్వామి నిర్మాతగా వ్యవహించారు. కథ, స్క్రీన్ ప్లే కమల్ హాసన్. ఈ చిత్రంలో స్వర్గీయ బాలచందర్ నటించడం ఓ విశేషం.
.jpg)
