వరుణ్ కూడా చిరుకి బర్త్ డే కానుక ఇస్తాడా?

ప్రతి ఏడాది ఆగస్టు 22న చిరంజీవి పుట్టిన రోజును మెగా అభిమానులు చాలా గ్రాండ్ గా సెలెబ్రేట్ చేసుకోవడం తెలిసిందే... కానీ ఈ సంవత్సరం జరుపుకోబోయే చిరు పుట్టిన రోజుకు ఓ ప్రత్యేక ఉంది. మునుపెన్నడూ లేనంత ఉత్సాహం ఇప్పుడు మెగా అభిమానులలో కనపడుతోంది. దానికి కారణం చిరంజీవిని మళ్ళీ తెరమీద చూడబోతున్నామనే ఉత్సాహం. ఆగష్టు 22న 150వ సినిమా లాంచనంగా ప్రారంభం కాబోతోందని ఎప్పుడో నిర్ణయమై పోయింది. అదే రోజున చిరు పుట్టినరోజు కానుకగా రామ్ చరణ్ మెగా అభిమానులకు తన సినిమా ఫస్ట్ లుక్ ను విడుదల చేయాలని సిద్ధమయ్యాడు. అయితే చరణ్ తో పాటు వరుణ్ కూడా పెదనాన్నకు కానుక ఇవ్వబోతున్నట్టు తెలుస్తోంది. వరుణ్ తేజ్ హీరోగా క్రిష్ దర్శకత్వంలో ‘కంచె' చిత్రం తెరకెక్కుతున్న సంగతి తెలిసిందే. ఇప్పటికే ఈ సినిమాకు సంబంధించిన షూటింగ్ కూడా పూర్తయింది. ఈ చిత్రానికి సంబంధించిన ఫస్ట్ లుక్ వరుణ్ తేజ్ తన అఫీషియల్ సోషల్ నెట్వర్క్ లో విడుదల చేశాడు. అయితే ఈ సినిమా రషెస్ చూసిన నాగబాబు చాలా ఎగ్సైట్ అయినట్టు తెలుస్తోంది. సినిమా చాలా బాగా వచ్చిందని ఆయన తన సన్నిహితులతో చెప్పినట్లు సమాచారం. ఈ చిత్రం స్వాతంత్ర్యానికి ముందు జరిగిన కథతో తెరకెక్కించారు. ఈచిత్రంలో వరుణ్ తేజ్ సైనికుడిగా కనిపించబోతున్నట్లు తెలుస్తోంది. కంచెలో ప్రజ్ఞ జైస్వాల్ హీరోయిన్ గా నటించింది. ఈ అమ్మడు అంతకు ముందు అభిజిత్ సరసన ‘మిర్చి లాంటి కుర్రాడు' సినిమాలో నటించింది. 
వరుణ్ మొదటి సినిమా ముకుందు డిజాస్టర్ అయ్యింది. రెండో సినిమా కంచెలో కథ క్రిష్ మార్క్ లోనే వున్నా దాన్ని చూపించిన విధానం కమర్షియల్ గా ఉంటుందని అనుకుంటున్నారు. ఈ సినిమా ఫస్ట్ లుక్ ఆగస్టు లో విడుదల చేస్తారట. తేదీ మాత్రం చెప్పకపోవడంతో ఈ సినిమా ఫస్ట్ లుక్ కూడా చిరు బర్త్ డే రోజునే విడుదల చేస్తారని అభిమానులు అనుకుంటున్నారు.