జిల్లా జోరు బాగానే ఉందండోయ్....

మన తెలుగు హీరోల డబ్బింగ్ సినిమాలు తమిళ నాట ఆడినట్టే కొందరు తమిళ హీరోల సినిమాలకూ ఇక్కడ మార్కెట్ బాగానే ఉంది. తమిళ హీరో విజయ్ స్నేహితుడు, తుపాకి సినిమాలతో తెలుగు వారికి పరిచయమయ్యాడు. ఈ సినిమాలను ఓ మోస్తరుగా ఆడించారు. ఆ హీరో ఎప్పటినుంచో తెలుగులోనూ ఓ సినిమా హిట్ చేయాలని అనుకుంటున్నాడట. ఇప్పుడు బహుబలి, జేమ్స్ బాండ్ లాంటి సినిమాలు థియేటర్లలో అడుతున్న సమయంలో జిల్లా జోరుగా ఆడుతోంది. ఈ సినిమాకు కూడా ఆడియన్స్ బాగానే కనిపిస్తున్నారు. ‘జిల్లా’ సినిమా తెలుగులో ఆడకపోవచ్చని అనుకున్న వారంతా చాలా ఆశ్చర్యపోతున్నారు. పోయిన శుక్రవారం ప్రేక్షకుల ముందుకు వచ్చిన ఈ సినిమా తెలుగులో హిట్టు కొట్టాలని చాన్నాళ్లుగా ఎదురు చూస్తున్న తమిళ స్టార్ హీరో విజయ్ కు ఆ కొరత కొంతవరకు తీర్చినట్లే కనిపిస్తోంది. తెలుగు సినిమా  జేమ్స్ బాండ్ కు పోటీ ఇచ్చే స్థాయిలో ‘జిల్లా’ జోరు కనిపిస్తోంది. ఎమోషన్స్ బాగా పండటం.. విజయ్ మోహన్ లాల్ కెమిస్ట్రీ కుదరడం.. కాజల్ ఫ్యాక్టర్ కూడా తోడవడంతో జిల్లా తెలుగు ప్రేక్షకుల్ని మెప్పించింది. ఐతే లాభాల గురించి ఆలోచించకుండా విజయ్ కి తెలుగులో బేస్ పెంచాలన్న ఉద్దేశంతో సినిమాను నామమాత్రపు రేట్లకే అమ్మారు. ఐతే సినిమాకు మంచి టాక్ రావడంతో కలెక్షన్లు బాగున్నాయి. దీంతో బయ్యర్లందరూ త్వరగా బ్రేక్ ఈవెన్ కు వచ్చేసినట్లు సమాచారం. రెండో వారం వచ్చేదంతా లాభమే. ఈ వారం కూడా చెప్పుకోదగ్గ సినిమాలేవీ లేకపోవడంతో ‘శ్రీమంతుడు’ వచ్చే సమయానికి జిల్లా ఓ మోస్తరు లాభాలు అందుకునే అవకాశముంది. ఇప్పుడు విజయ్ ‘పులి’ సినిమాను కూడా భారీ స్థాయిలో తెలుగులో రిలీజ్ చేయాలని చూస్తున్నాడు.