ఇది మహేష్ అభిమానులకూ.. సినీ నటీనటులకూ మనసులో వేదిస్తున్న ప్రశ్న. చిరంజీవి అట్టహాసంగా జరుపుకున్న 60వ పుట్టిన రోజు వేడుకలకు ఎందరో సినిమా సెలబ్రిటీలు హాజరై సందడి చేశారు. కానీ మహేష్ బాబు కనిపించలేదు. కొద్ది రోజుల క్రితం దాసరి నారాయణ రావు ఈ వేడుకల్లో కనిపించకపోవడంపై చర్చలు జరిగాయి. ఇన్విటేషన్ పంపడం తప్ప పర్సనల్ గా కాల్ చేయడం వంటి ఫార్మాలిటీ పాటించకపోవడమే దాసరి నారాయణరావు హాజరు కాకపోవడానికి కారణంగా వార్తలు వినిపించాయి. ఇప్పుడు మహేష్ బాబు హాజరు కాకపోవడంపై కూడా ఓ వార్త వినిపిస్తోంది. పవన్ కళ్యాణ్ కూడా చివరి మినిట్ లో ఓ లుక్ ఇచ్చేశారు. నాగార్జున, బాలకృష్ణ, వెంకటేష్ తో పాటు మిగిలిన జూనియర్ నటీనటులు కూడా ఈ వేడుకకు హాజరయ్యారు. అయితే మహేష్ బాబు ఫామిలీతో థాయ్ లాండ్ వెకేషన్ కు వెళ్ళినట్టు వార్త వినిపిస్తోంది కానీ, అది నిజం కాదని అనుకుంటున్నారు. మహేష్ బాబు 22న హైదరాబాద్ లోనే ఉన్నాడని తెలుస్తోంది. ఈయనకు కూడా ఆఫీస్ కు ఓ ఇన్విటేషన్ పంపారట గానీ, పర్సనల్ గా కలవడం మాట అటుంచి, కానీసం ఫోన్ ద్వారా కూడా పిలుపులు అందలేదని తెలుస్తోంది. అంటే చిరు ఫామిలీ నుంచి ఎవరూ కూడా మహేష్ బాబును పిలవలేదని తెలుస్తోంది. ఈ కారణంతోనే తాను ఈ వేడుకకు రాలేదనుకుంటున్నారు.
.jpg)
