ఈ యువ హీరోకు అమ్మాయిల ఫాలోయింగ్ బాగా పెరిగిపోయింది. సినిమా సక్సెస్ లతో సంబంధం లేని క్రేజ్ ఇది. ఈ యువ హరో సినిమా అనగానే అమ్మాయిలు కాలేజీ బంక్ కొట్టి మరీ వెళుతున్నారు. ‘ఊహలు గుసగుసలాడే’, ‘దిక్కులు చూడకు రామయ్య’, ‘లక్ష్మి రావే మా ఇంటికి..’ లాంటి సినిమాలతో హిట్ టాక్ తెచ్చుకున్నాడు నాగ శౌర్య. అయితే ‘జాదూగాడు’తో కమర్షియల్ ఎంటర్‌టైనర్‌ సినిమాలకు కూడా తానేంటో నిరూపించుకుందామనుకుంటే అది బాక్సాఫీస్ వద్ద ఫట్ కొట్టింది. సినిమా ఎలా ఉన్నా హిట్ చేద్దామని అమ్మాయిలనుకుంటే... ఆ సినిమాలో రొమాంటిక్ సీన్స్ వారికి నచ్చనట్టుంది...! అందుకే సక్సెస్ చేయలేదు. సరే... ఇప్పుడు ఈ హీరో రెండు సినిమాలు విడుదలకు సిద్ధమవుతున్నాయన్న విషయం తెలిసిందే. నందిని రెడ్డి దర్శకత్వంలో రూపొందుతోన్న సినిమా ఇప్పటికే దాదాపుగా పూర్తి కాగా, రమేష్ వర్మ తెరకెక్కిస్తున్న మరో సినిమా షూటింగ్ పూర్తి చేసుకున్నట్లు తెలుస్తోంది.
‘అబ్బాయితో అమ్మాయి’ పేరుతో రూపొందుతోన్న ఈ సినిమాకు సంబంధించిన షూటింగ్ ‘జాదూగాడు’ రిలీజ్‌ సమయంలోనే మొదలైంది. ప్రస్తుతం కొంత ప్యాచ్ వర్క్ మినహా మొత్తం పూర్తయినట్లు తెలుస్తోంది. ప్రఖ్యాత సంగీత దర్శకుడు ఇళయరాజా ఈ సినిమాకు సంగీతం సమకూరుస్తుండడం విశేషం. ఈ సినిమా పోస్టర్ ఒకటి ఆగస్టు 15న విడుదల చేశారు. ఈ పోస్టర్ చూసిన అమ్మాయిలు, అబ్బాయిలు తెగ ఇదైపోతున్నారు... సినిమా చూడ్డానికి.
.jpg)
