రెమో డిసౌజా దర్శకత్వంలో తెరకెక్కిన చిత్రం ‘ఎబిసిడి-2' . విడుదలై విజయవంతంగా ఈ చిత్రం ప్రదర్శితమౌతోంది. బాలీవుడ్ స్టార్స్ వరుణ్ ధావన్, శ్రద్ధా కపూర్, ప్రభుదేవా ప్రధాన పాత్రల్లో నటించిన 3డి మూవీ చిత్రం ఇది. అయితే, ఇందులో డాన్సర్‌గా నటించిన నీలేష్ ఇప్పుడు వార్తల్లో కెక్కాడు. 14 ఏళ్ల మైనర్ బాలికను రేప్ చేసిన కేసులో అరెస్టయ్యాడు. ఈ కేసులో సదరు డాన్సర్ తో పాటు మరో ఇద్దరు నిందితులుగా ఉన్నారు. ‘ఎబిసిడి-2' చిత్రంలో బ్యాక్ అప్ గా నటించిన నీలేష్ నిర్భవనె....మరో ఇద్దరు వ్యక్తులతో కలిసి మైనర్ బాలికపై గ్యాంగ్ రేప్ చేసినట్లు ఆరోపణలు ఉన్నాయి. నిందితులు నెలరోజులుగా ఈ అఘాయిత్యానికి పాల్పడ్డట్లు తెలుస్తోంది. జూన్ 26వ తేదీని పోలీసులు అతన్ని అరెస్టు చేసారు. ఆమెను నిర్మానుష్య ప్రాంతానికి తీసుకెళ్లి రేప్ చేసినట్లు తెలుస్తోంది. నెల రోజులుగా ఈ అఘాయిత్యం జరుగుతుండగా...బాధితురాలి టీచర్ ఆమె ప్రవర్తనపై అనుమానం వచ్చి ప్రశ్నించడంతో ఈ విషయం వెలుగులోకి వచ్చినట్లు తెలుస్తోంది. తనను ముగ్గురు యువకులు లైంగికంగా వేధిస్తున్నారని టీచర్ కు చెప్పడంతో, ఆమె వెంటనే బాలిక తల్లిదండ్రులకు సమాచారం అందించింది. విచారణ తర్వాత నిలేష్ ప్రధాన అనుమానితుడిగా గుర్తించారు. అతడిపై ఐపిసి సెక్షన్ 376డి(గ్యాంగ్ రేప్), 377(అసహజ నేరం), 34 కింద కేసు నమోదు చేసారు. ప్రస్తుతానికి నీలేష్ అరెస్టవ్వగా మరో ఇద్దరు పరారీలో ఉన్నారు.
.jpg)
