కేరింత విజయోత్సవానికి పరాభవం ఎదురైంది. ఈ చిత్ర యూనిట్ శ్రీకాకుళం పర్యటనకు వెళ్ళినప్పుడు అక్కడ కొందరు యువకులు కోడిగుడ్లతో దాడి చేశారు. చిత్ర యూనిట్ సినిమాను మరింత ప్రమోషన్ చేయడానికి ఇటీవలే టూర్ మొదలుపెట్టింది. ఇప్పటికే చాలా జిల్లాల్లో పర్యాటించిన ఈ చిత్ర యూనిట్ బుధవారం నాడు శ్రీకాకుళం చేరుకుంది. ‘కేరింత’ చిత్ర యూనిట్ పై శ్రీకాకుళంలోని కొంతమంది ఏబివీపి విధ్యార్థులు దాడికి దిగారు. ఈ సినిమాలో తమ శ్రీకాకుళం యాసను కించపరిచారని వారు ఆరోపించారు. అయితే చివరకు దిల్ రాజు క్షమాపణలు చెప్పడంతో ఆ విధ్యార్థులు అక్కడినుంచి వెనుదిరిగారు. శ్రీవెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మించిన తాజా చిత్రం ‘కేరింత’. సుమంత్ అశ్విన్, శ్రీదివ్య, తేజస్వీ, పార్వతీశం తదితరులు ప్రధాన పాత్రలలో నటించిన ఈ చిత్రానికి సాయికిరణ్ అడవి దర్శకత్వం వహించారు. మిక్కీ జె మేయర్ సంగీతం అందించారు.
.jpg)
