తమిళంలో పలు సినిమాల్లో సహయనటిగా నటించిన శశిరేఖ మర్డర్ కేసు మిస్టరీ వీడింది. పోరూరు పూందమల్లిలో తల లేని స్థితిలో పడి ఉన్న మృతదేహం శశిరేఖదేనని పోలీసులు గుర్తించారు. దీంతో కేసు నమోదు చేసి, దర్యాప్తు ప్రారంభించారు. మదనంతపురానికి చెందిన శశరేఖ మడిప్పాకంకు చెందిన నటుడు రమేష్ (32) ను వివాహం చేసుకుంది. మదనంతపురంలో దంపతులిద్దరూ కాపురం ఉంటున్నారు. ఈ క్రమంలో లత్తిక(21) అనే మోడల్ తో రమేష్ కు వివాహేతర సంబంధం ఏర్పడింది. దీంతో దంపతుల మధ్య తరచు వివాదం చోటుచేసుకునేది.
ఈ క్రమంలో జనవరి 5న మళ్లీ ఘర్షణ జరిగింది. కోపంలో రమేష్ ఆమెను హతమార్చాడు అనంతరం తల నుంచి మొండెం వేరు చేశాడు. గర్ల్ ఫ్రెండ్ లత్తికా, వారి స్నేహితులతో కలిసి రమేష్ ఆమె మృతదేహాన్ని కాల్వలో విసిరేసి వెళ్లిపోయాడు. ఆపై ఏమి ఎరగనట్లు మిస్సింగ్ కంప్లయింట్ కూడా ఇచ్చాడు. ఇక అనుమానస్పద స్థితిలో దొరికిన ఆ మృతదేహాన్ని గుర్తించిన పోలీసులు తీగ లాగడంతో డొంకంతా కదిలింది. దీంతో లత్తికా, రమేష్ లను అరెస్టు చేసి నిజం కక్కించారు. ఇప్పుడు వారి స్నేహితులను అరెస్టు చేసే పనిలో పడ్డారు. సంచలనం సృష్టించిన ఈ మర్డర్ సినీ పరిశ్రమ దిగ్భ్రాంతి వ్యక్తంచేసింది. ఇండస్ట్రీ ఓ మంచి నటిని కోల్పోయిందని ట్విట్టర్లో పలువురు నటీనటులు ట్వీట్ చేశారు.
.jpg)
