రవి తేజ తెరమీద కనిపించి చాలా రోజులే అయినట్టు కనిపిస్తోంది... చాన్నాళ్ళ క్రితమే కొబ్బరికాయ కొట్టిన కిక్ 2 ఇంత వరకూ తెరమీదకు రాలేదు. రవి తేజ సినిమాలు మాగ్జిమమ్ కామెడీ ఎంటర్ టైనర్లుగానే ఉంటాయి. అయితే ఈ సినిమా కొంత పార్ట్ రీషూట్ చేస్తున్నట్టు తెలుస్తోంది. నిజానికి మే 9న రిలీజ్ కావాల్సిన ఈ మూవీ పోస్ట్ ప్రొడక్షన్ వర్క్స్ ఆలస్యం కావడంతో రిలీజ్ వాయిదా పడుతూవస్తోంది. జూన్‌లో మరికొన్ని డేట్స్ అనుకున్నా ఓవర్ బడ్జెట్‌తో బిజినెస్ ఇబ్బందులు తోడవ్వడం, ప్రమోషన్‌కు టైం లేకపోవడం వంటి కారణాలతో బ్రేక్ పడుతూ వస్తోంది. అయితే ఈ కాపీ చూశాక కొంత రీషూట్ చేయడం బెటరని దర్శకనిర్మాతలు కళ్యాణ్ రామ్, సురేందర్ రెడ్డి భావిస్తున్నట్టు తెలుస్తోంది. జులై‌లో బాహుబలి, ఆగస్ట్‌లో శ్రీమంతుడు చిత్రాల విడుదలకు ముందే ‘కిక్ 2’ను విడుదల చేయాలనుకున్నా, హడావిడిగా ఎందుకని ఆగుతున్నట్టు యూనిట్ టాక్. రకుల్ ప్రీత్‌సింగ్ హీరోయిన్‌గా నటించే ఈ చిత్రానికి తమన్ అందించిన ఆడియో ఆశించిన కిక్ ఇవ్వలేదని టాక్ వినిపిస్తోంది. మరి ఈ చిత్రం తెరమీదకు రావడానికి మోక్షం ఎప్పుడు కుదురుతుందో చూడాలి.
.jpg)
