టాలీవుడ్ తోపాటు కోలీవుడ్ లోనూ ఒకప్పుడు స్టార్ నటిగా రోజా సెల్వమణి వెలుగు వెలిగింది. ఇండస్ట్రీకి వచ్చిన కొత్తలో ఐరెన్ లెగ్ గా ముద్రపడినప్పటికీ ఆపై వరుస విజయాలతో చిరంజీవి, రజనీకాంత్ ఇలా దాదాపు అగ్రహీరోలతో నటించింది. ఆపై దర్శకుడు సెల్వమణితో ప్రేమాయణం, పెళ్లి చకచకా జరిగిపోయాయి. సెకండ్ ఇన్నింగ్స్ లో కూడా మదర్ క్యారెక్టర్లతో దూసుకెళ్తున్న ఈ నటి ప్రస్తుతం ఎమ్మెల్యేగా అదనపు బాధ్యతలో ఉంది. ఓవైపు రాజకీయాల్లో ఫైర్ బ్రాండ్ గా రాణిస్తూ ప్రతిపక్షాలకు ముచ్చెమటలు పోయిస్తూనే, మరోవైపు టీవీ షోలతో, సినిమాలతో బిజీబిజీగా ఉంది. ఇక త్వరలో ఆమె ఆత్మకథను సినిమాగా తెరకెక్కించేందుకు ప్రయత్నం చేస్తున్నట్లు తెలుస్తోంది.
తమిళ సినీ పరిశ్రమకు చెందిన ఓ స్టార్ దర్శకుడు ఇందుకోసం ఆమెను సంప్రదించినట్లు సమాచారం. అందుకే ఆమె ఓకే కూడా చెప్పిందట. ఇండస్ట్రీకి వచ్చిన కొత్తలో ఆమె ఎదురుకున్న పరిస్థితులు, రాజకీయాల్లోకి రావటానికి ఆమెను ప్రోత్సహించిన సంఘటనలు తదితర అంశాలు ఆమె బయోపిక్ లో చూపిస్తారట. మరి అందులో రోజాగా నటించే నటి ఎవరూ, అందులో కాంట్రవర్సీలకు చోటు ఉంటుందా లేదా అన్నది ప్రస్తుతానికైతే సస్పెన్స్.
.jpg)
