విభిన్న చిత్రాల దర్శకుడు క్రిష్-హీరో వరుణ్ తేజ్ నటించిన 'కంచె' సినిమా మంచి ప్రేక్షకాదరణతో ముందుకు సాగుతోంది. రెండో ప్రపంచ యుద్ధ నేపథ్యంగా జరిగే ఈ కథ తెలుగు ప్రేక్షకులకు కొత్త అనుభూతిని కలిగించింది. టెక్నికల్ గా ఈ చిత్రం బాలీవుడ్ స్థాయిలో ఉందని విమర్శకులు సైతం ప్రశంసించారు. అంతేకాదు మొదటి సినిమాలో సో సో గా నటించిన వరుణ్ తేజ్ ఈ చిత్రంలో పూర్తిస్థాయి నటనను కనబరిచాడని ప్రశంసలు దక్కాయి.
దీంతో దర్శకుడు క్రిష్ వరుణ్ తో మరో చిత్రాన్ని తెరకెక్కించేందుకు ప్రయత్నాలు ప్రారంభించాడట. ఇందుకు ఇద్దరు ఒప్పేసుకున్నారని వచ్చే ఏడాది చివర్లో ఈ ప్రాజెక్ట్ తెరకెక్కనుందని తెలుస్తోంది. ప్రస్తుతం పూరీ జగన్నాథ్ పూరి దర్శకత్వంలో ఓ చిత్రం లో నటిస్తున్నాడు. ఆ తర్వాత గోపీచంద్ మలినేని దర్శకత్వంలో నటిస్తాడట. ఆ రెండు పూర్తయ్యేదాకా క్రిష్ కంప్లీట్ స్క్రిప్ట్ ను రెడీ చేసుకోవటంతోపాటు, ఈ గ్యాప్ లో మరో స్టార్ తో ఓ చిత్రాన్ని తీస్తాడని సమాచారం. అవసరమైతే కంచె సీక్వెల్ తీస్తానని క్రిష్ ప్రకటించాడు. మరి అది అదేనా కాదా కొద్దిరోజుల్లో తెలిసిపోతుంది. చూద్దాం క్రిష్ ఈసారి ఏ సబ్జెక్ట్ ను టచ్ చేస్తాడో?
.jpg)
