మళయాళంలో సంచలనం సృష్టించిన ప్రేమకథ ప్రేమమ్ కు తెలుగు రీమేక్ సన్నాహాలు జరిగిపోతున్నాయి. చిన్న బడ్జెట్ చిత్రంగా వచ్చి 50 కోట్లు వసూలు చేసి పెద్ద హాట్ టాపిక్ అయిందా చిత్రం. ఆటోగ్రాఫ్ తరహాలో హీరో ప్రేమ దశలు ఇందులో ఉండటంతో యూత్ ని ఈ చిత్రం ఎంతగానో ఆకట్టుకుంది. ఇక ఇందులో నాగ చైతన్య హీరోగా ఎంపిక కాగా, ఇప్పటివరకూ ఇద్దరు కథానాయికలను ఎంపిక చేసారు. ఇక తాజాగా ఈ సినిమా టీమ్ మరో కథానాయికను కూడా ఎంపిక చేసినట్లు తెలుస్తోంది.
బాలీవుడ్ మోడల్ ఐషాశర్మను మరో హీరోయిన్ క్యారెక్టర్ కి తీసుకోబోతున్నట్లు తెలుస్తోంది. ఐషా చిరుత సినిమా ద్వారా తెలుగు ప్రేక్షకులకు పరిచయమైన నేహా శర్మ చెల్లెలు కావటం విశేషం. ఇది వరకే శివం చిత్రం ద్వారా టాలీవుడ్ కి పరిచయం కావాల్సి ఉండగా, అప్పుడు ఛాన్స్ మిస్సయ్యింది. ఇక పూరి తదుపరి చిత్రం రోగ్ లో కూడా ఐషానే హీరోయిన్ కావటం విశేషం.
సితార ఎంటర్టైన్మెంట్స్ వారు నిర్మిస్తున్న ఈ చిత్రానికి కార్తికేయ డైరక్టర్ చందు మొండేటి దర్శకత్వం వహించనున్నట్లు తెలుస్తోంది. ఇంతకుముందే శ్రుతిహాసన్ ను, అనుపమ పరమేశ్వరన్ ను ఎంపిక చేశారు. ఈ సినిమాకి టైటిల్ 'మజ్ను ' అనుకున్నా, అది ఇంకా ఫైనల్ కాలేదు. డిసెంబర్ మొదటి వారం నుంచి చిత్రం సెట్స్ పైకి వెళ్లనున్నట్లు సమాచారం. కాగా, ఇందులో నాగార్జున, వెంకటేష్ లు కీలకపాత్రలో నటించబోతున్నారని సమాచారం.
.jpg)
