అఖిల్ సినిమా షూటింగ్ పూర్తి కావచ్చింది. ఈ యంగ్ బోయ్ సినిమా కోసం నందమూరి అభిమానులంతా ఆసక్తిగా ఎదురు చూస్తున్నారు. ఈయన మొదటి ఎంట్రీ మనంలో ఇవ్వగానే ప్రేక్షకుల నుంచి విపరీతమైన స్పందన కనిపించింది. ఇప్పుడు రాబోయే ఈ సినిమాలో అఖిల్ పెర్ఫార్మెన్స్ గురించి చాలా ఎగ్జైట్ గా ఎదురు చూస్తున్నారు. కమర్షియల్ డైరెక్టర్ వివి వినాయక్ దర్శకత్వం వహిస్తున్న ఈ సినిమాని నితిన్ తన సొంత బ్యానర్ లో నిర్మిస్తున్నాడు. ఈ సినిమా టైటిల్, ఫస్ట్ లుక్ కోసం తెలుగు సినీ అభిమానులు, సినీ ప్రముఖులు కూడా ఎదురు చూస్తున్నారు. ఈ రోజు నితిన్ సస్పెన్స్ కు తెర దించుతో ఓ శుభవార్త తెలియజేశాడు. ఈ సినిమా టైటిల్, ఫస్ట్ లుక్ పోస్టర్ ని ఈ రోజు సాయంత్రం 4 గంటల 30 నిమిషాలకు రిలీజ్ చేయనున్నామని తెలియజేశాడు. దీంతో అభిమానుల్లో మరింత ఉత్కంఠ పెరిగింది. అలాగే నాగార్జున పుట్టిన రోజు కానుకగా ఆగస్టు 29న ఈ మూవీ ఫస్ట్ లుక్ టీజర్ ని కూడా రిలీజ్ చేయనున్నారు. ఈ యాక్షన్ ఎంటర్టైనర్ లో అఖిల్ సరసన సయేషా సైగల్ హీరోయిన్ గా కనిపించనుంది. ఈ సినిమాని దసరా కానుకగా అక్టోబర్ 22న రిలీజ్ చేయనున్నట్టు తెలుస్తోంది.
.jpg)
