‘బాహుబలి’ ఎంత పని చేశాడు?

బాహుబలి ఎంత క్రేజ్ తెచ్చిందంటే... ఇప్పుడు ప్రభాస్ సినిమాలన్నీ డబ్బింగ్ చేసి మళయాళంలో రిలీజ్ చేసి హిట్ కొడుతున్నారు. అలా ఇక్కడ ఫ్లాపయిన బుజ్జిగాడు కూడా అక్కడ హిట్ కలెక్షన్లు రాబడుతుంది. ఇదంతా బాహుబలి మహిమే కదా... బాహుబలి సినిమా మల్లూవుడ్ లో కలెక్షన్ల పంట పండింది. దీంతో ఈ హీరోగారికి బాగా క్రేజ్ పెరిగింది. ఇక క్యాష్ చేసుకునే పనిలో పడ్డారు నిర్మాతలు. ప్రభాస్ యూనివర్శల్ స్టార్ అయ్యాడు. తమిళ్ - మలయాళం - కన్నడం - హిందీ మార్కెట్లోనూ ప్రభాస్ పేరు మార్మోగిపోతోంది. ఫలితం ప్రభాస్ నటించిన పాత సినిమాలన్నిటినీ స్టోర్లోంచి బయటికి తీసి వాటిని తెలివిగా క్యాష్ చేసుకుంటున్నారు.
మల్లూ వుడ్ లో ప్రభాస్ నటించిన మాస్ ఎంటర్టైనర్ బుజ్జిగాడు ఇక్కడ ఫ్లాప్ అక్కడ హిట్. ప్రభాస్ హీరోగా పూరి జగన్నాథ్ దర్శకత్వంలో తెరకెక్కిన బుజ్జిగాడు తెలుగులో ఫ్లాప్ సినిమాగా నిలిచింది. ఈ సినిమాని ఇటీవలే మలయాళంలో రుద్రన్ పేరుతో డబ్బింగ్ చేసి రిలీజ్ చేశారు. అక్కడ అది పెద్ద విజయం సాధించింది. ఇక్కడ బాహుబలి ప్రభాస్ నటించిన అంటూ ప్రచారం చేసుకుని బుజ్జిగాడ్ని హిట్ కొట్టించారు.
అలాగే ప్రభాస్ బ్లాక్ బస్టర్ హిట్ మిర్చి కూడా ఈనెల 24 న రిలీజవుతోంది. బాహుబలి ప్రభాస్ - దేవసేన అనుష్క జంటగా నటించిన అన్న ట్యాగ్ లైన్తో మిర్చి సినిమాని ప్రమోట్ చేస్తున్నారు. ఇదే మరి చెట్టుపేరు చెప్పుకొని కాయలమ్ముకోడమంటే...