మనోజ్ పెళ్ళి వేడుకల్లో ఆటా-పాటా...

మనోజ్ పెళ్ళిలో సంగీత్ కార్యక్రమం తారలంతా చిందులేస్తూ సందడి చేశారు.  సీనియర్ నటులతో నేటి యువతరం సినీ తారలు డాన్స్ చేసి అదరగొట్టారు. కొడుకు పెళ్లి సందడిలో మునిగి తేలుతున్న మోహన్ బాబు కూడా ఉత్సాహంగా నృత్యం చేశారు.  ఇక మంచు లక్ష్మి, ఆండ్రీ అయితే ఓ రేంజ్‑లో డాన్స్ చేసి దుమ్ము రేపారు. వారిద్దరి కలిసి ఓ పాటకు చేసిన డాన్స్ హైలెట్ గా నిలిచింది. . ఈ నెల 20వ తేదీ బుధవారం ఉదయం 9.10 గంటలకు మనోజ్ ప్రణతి వివాహం జరుగబోతున్న విషయం తెలిసిందే.  ఆదివారం రాత్రి జరిగిన సంగీత్ కార్యక్రమంలో వధూవరుల కుటుంబాలతో పాటు పలువురు సినీ తారలు హాజరై సందడి చేశారు.  హైదరాబాద్ లోని పార్క్ హయత్ హోటల్ ఈ వేడుక జరిగింది.  తెలుగు, తమిళ, మలయాళ, కన్నడ, హిందీ సినిమా రంగాలకు చెందిన సినీస్టార్లు మనోజ్ సంగీత్ ఫంక్షన్ లో పాల్గొన్నారు.ఈ వేడుకలో కాబోయే వధూవరులు, మోహన్ బాబు తనతో నటించిన హీరోయిన్లు జయసుధ, సుమలత, రవీనా టండన్ తో కలిసి డాన్స్ చేస్తేప, ఇక మంచు విష్ణు, వెరొనికా ఓ తెలుగు పాటకు నృత్యం చేశారు. తమిళ చిత్ర పరిశ్రమ నుంచి హీరో ఆర్య, త్రిష, హన్సికతో పాటు పలువురు హాజరు కాగా, ఇక టాలీవుడ్ యంగ్ యాక్టర్స్ అల్లరి నరేష్, నాని, శ్రీకాంత్, హీరో బాలకృష్ణతో పాటు రాజకీయ నేతలు సుశీల్ కుమార్ షిండే, దానం నాగేందర్, కేవీపీ రామచంద్రరావుతో పాటు పలువురు హాజరయ్యారు. మొత్తం ఈ పెళ్ళి వేడుకలన్నీ చాలా వైభవంగా జరుగుతుండగా ఎప్పటికప్పుడు ఫొటోలతో సహా ప్రచురితమవుతున్న సంగతి అందరికీ తెలిసిందే