అల్లరి నరేష్ హీరోగా ఎ టీవీ సమర్పణలో ఎ.కె.ఎంటర్ టైన్మెంట్స్ ఇండియా ప్రై.లి. బ్యానర్ పై రూపొందుతోన్న చిత్రం ‘జేమ్స్ బాండ్’. సాక్షి చౌదరి హీరోయిన్లుగా నటిస్తుంది. ‘నేను కాదు నా పెళ్లాం’ ట్యాగ్ లైన్. రామబ్రహ్మం సుంకర నిర్మాత. సాయికిశోర్ మచ్చ దర్శకుడు. ఈ సినిమా ప్రస్తుతం చిత్రీకరణ తుది దశలో ఉంది. ఈ సినిమ ఫస్ట్ లుక్ లాంఛ్ విడుదల కార్యక్రమం హైదరాబాద్ లోని అన్నపూర్ణ సెవెన్ ఏకర్స్ లో జరిగింది. ఈ సందర్భంగా...
అనీల్ సుంకర మాట్లాడుతూ ‘’మా బ్యానర్ లో వస్తున్న నాలుగో చిత్రం. మంచి ఎంటర్ టైనర్. ప్రస్తుతం సినిమా దాదాపు చిత్రీకరణను పూర్తి చేసుకుంటుంది. మే 12న ఆడియో విడుదల కార్యక్రమాన్ని నిర్వహించడానికి ప్లాన్ చేస్తున్నాం. సినిమాని మే మూడో వారంలో విడుదల చేయాలనుకుంటున్నాం’’ అన్నారు.
దర్శకుడు సాయికిశోర్ మచ్చ మాట్లాడుతూ ‘’దర్శకుడిగా నా తొలి చిత్రం. అనీల్ సుంకర్ గారు బాగా సపోర్ట్ చేస్తున్నారు. యాక్షన్ విత్ కామెడి ఎంటర్ టైనర్. మన్మథుడు లాంటి భర్తకు పవర్ ఫుల్ మాఫియా డాన్ లాంటి భార్య దొరికితే ఎలా ఉంటుందనేదే కాన్సెప్ట్. చిత్రాన్ని మే మూడో వారంలో విడుదల చేయాలని ప్లాన్స్ జరుగుతున్నాయి ’’ అన్నారు.
సాయికార్తీక్ మాట్లాడుతూ ‘’సినిమా అంతా ఎంటర్ టైనింగ్ గా ఉంటుంది. సాయికిషోర్ గారు చక్కగా డైరెక్ట్ చేస్తున్నారు. సినిమాలో ఆరు పాటలుంటాయి. అన్నీ డిఫరెంట్ సాంగ్స్. పాటలు బాగా వచ్చాయి. ప్రస్తుతం బ్యాగ్రౌండ్ స్కోర్ జరుగుతుంది. ఆడియో మే 12న విడుదల కానుంది. సినిమాని కూడా మే నెలలో విడుదల చేయాలని ప్లాన్ చేస్తున్నారు’’ అన్నారు.
హీరియన్ సాక్షి చౌదరి మాట్లాడుతూ ‘’తెలుగులో నేను చేస్తున్న రెండో సినిమా. మంచి కామెడితో సినిమా సాగుతుంది. తప్పకుండా అందరినీ ఎంటర్ టైన్ చేసే మూవీ అవుతుంది’’ అన్నారు.
.jpg)
