దర్శకుడు గుణ శేఖర్ ప్రతిష్టాత్మకంగా తీసిన రుద్రమదేవి సినిమా ఈ నెల 9న రిలీజ్ చేస్తున్న సందర్భంగా ఆదివారం హైదరాబాద్ లో ప్రెస్ మీట్ ఏర్పాటు చేశారు. ఈ ప్రెస్ మీట్ పవర్ ఫుల్ స్టార్లతో కళ కళ లాడిపోయింది. ఇప్పటికే రుద్రమదేవి పోస్టర్లతో ఈ తారలు తళుక్కుమన్నారు. ఈ పాత్రల్లో వేరెవరినీ ఊహించలేమేమో అన్నట్టున్నాయి వీరి ఫస్ట్ లుక్స్.
అయితే అదే విషయాన్ని అనుష్క, అల్లు అర్జున్ లు కూడా ఒకరినొకరు పొగిడేసుకున్నారు. సినిమాలోని పాత్రల గురించి అనుష్క మాట్లాడుతూ... నా పాత్ర మెయిన్ అయినప్పటికీ ఇందులో ప్రతి ఒక్కరూ చాలా అద్భుతంగా నటించారనీ, గోన గన్నారెడ్డి పాత్రకు అల్లు అర్జున్ బాగా సెట్ అయ్యాడని అంది. అర్జున్ తో వేదం సినిమాలో నటించాననీ, టాలీవుడ్ ఇండస్ట్రీ గొప్ప స్థాయికి వెళ్ళాలని కథకు ప్రాధాన్యత ఇచ్చే ఎలాంటి పాత్రకైనా అర్జున్ రెడీగా ఉంటాడని మెచ్చుకుంది. అందుకే... తను మెయిన్ హీరో రోల్ కానప్పటికీ వేదం, రుద్రమదేవి సినిమాల్లో నటించాడని అన్నది. ఇక బన్నీ కూడా అనుష్కను పొగిడేస్తూ రుద్రమదేవి మెయిన్ హీరో అనుష్క... ఇలాంటి ప్రయోగాత్మకమైన సినిమాల్లో నటించే గట్స్ అనుష్కకు మాత్రమే ఉన్నాయని అన్నాడు. గుణశేఖర్ స్క్రీన్ ప్లే, గ్రాఫిక్స్, విజువల్స్ ఇప్పటికే ట్రైలర్ లో అద్భుతంగా కనిపిస్తున్నాయి. ఇక ఈ సినిమాకు ఇళయ రాజా సంగీతం తోడయ్యింది. గుణ శేఖర్ తన శక్తినీ, మేథస్సును ఫణంగా పెట్టి తీసిన ఈ సినిమా గొప్ప బ్లాక్ బస్టర్ కావాలని కోరుకుందాం.
.jpg)
