ఫ్యామిలీ పాటకు స్టెప్పులేసిన సరైనోడు

ఈ మధ్య ఫ్యామిలీ పాటలకు బాగా డిమాండ్ పెరిగిపోయింది. సినిమాలో ఓ ఐటమ్ సాంగ్ పెట్టి చాలా ప్రిస్టేజియస్ గా ఫీలయ్యే ట్రెండ్ ఎలా అయితే కొనసాగుతోందో.... ఇప్పుడు కుటుంబమంతా కలిసి సరదాగా ఆడిపాడే పాటకూ అంతే డిమాండ్ పెరిగింది. సూపర్ మచ్చి అంటూ ఈ ఏడాది ‘S/O సత్యమూర్తి’లో సూపర్ స్టెప్పులేసిన స్టైలిష్ స్టార్ ప్రస్తుతం బోయపాటి శ్రీను డైరెక్షన్ లో ఓ పర్ఫెక్ట్ మాస్ మసాల ఎంటర్టైనర్ చేస్తున్నాడు. ఈ సినిమాకి ‘సరైనోడు’ అనే టైటిల్ ని పరిశీలిస్తున్నారు. కొద్ది రోజుల క్రితం అల్లు అర్జున్ పై ఓ యాక్షన్ ఎపిసోడ్ ని షూట్ చేసిన ఈ చిత్ర టీం ప్రస్తుతం ఓ పాటను షూట్ చేస్తున్నారు. తన ఇంట్లో జరిగే ఓ శుభకార్యంలో అల్లు అర్జున్ తన హీరోయిన్ రకుల్ ప్రీత్ సింగ్ మరియు కుటుంబ సభ్యులతో కలిసి స్టెప్పులేసె ఓ ఫ్యామిలీ సాంగ్ ఇది. ఈ పాటను రామోజీ ఫిల్మ్ సిటీలోని ఎంసిటీ బిల్డింగ్ లో వేసిన ఓ హౌస్ సెట్లో షూట్ చేస్తున్నారు. ఈ పాటలో అల్లు అర్జున్ తో పాటు రకుల్ ప్రీత్ సింగ్, శ్రీకాంత్, సాయి కుమార్ లు కూడా స్టెప్పులేస్తున్నారు. ఇక ఈ సినిమాలో రెండవ హీరోయిన్ గా కనిపించనున్న కేథరిన్ ఎమ్మెల్యేగా కనిపించనుంది. గీత ఆర్ట్స్ బ్యానర్ పై అల్లు అరవింద్ నిర్మిస్తున్న ఈ సినిమాలో ఆది పినిశెట్టి, ఆదర్శ్ బాలకృష్ణలు నెగటివ్ రోల్స్ లో కనిపించనున్నారు. ఎస్.ఎస్ తమన్ మ్యూజిక్ అందిస్తున్నాడు.