అంజలికి ఈ మధ్య కాలంలో సినిమాలు తగ్గాయనే చెప్పాలి. సీతమ్మ వాకిట్లో సిరిమల్లె, చెట్టు గీతాంజలి తరువాత ఆమెకు తెలుగులో ఛాన్స్ లేవీ రాలేదు. తెలుగమ్మాయి అయినా తమిళంలో మాత్రం అవకాశాలు బాగానే వస్తున్నాయి. ఇప్పుడు మళయాళీ సూపర్ స్టార్ మమ్ముట్టి తో నటించే అదృష్టం కొట్టేసింది. తెలుగువారు గుర్తించకపోతే ఏం చేస్తుంది పాపం, తమిళ, మళయాళంలో ఆఫర్ల కోసం ప్రయత్నిస్తోంది. ఆమెకున్న పరిచయాలతో ఈ రెండు సినిమాలకు అవకాశాలు సొంతం చేసుకుంది. తమిళ దర్శకుడు రామ్ చేస్తున్న ఓ సినిమాకు కమిట్ అయ్యింది. దీనికి సంబంధించిన కథ ఇప్పటికే ఆమె ఓకే చేయడంతో దీనికి సంబంధించిన పనులు చకచకా జరిగిపోతున్నాయి. ఇందులో హీరో ని ఎవరిని తీసుకోవాలనే డైలమాలో ఉన్న దర్శకుడు మలయాళం హీరో మమ్ముట్టిని సంప్రదించి ఒకే చేశారు. ప్రస్తుతం ఈ దర్శకుడు తమిళంలో ఓ సినిమా చేస్తున్నాడు. అది పూర్తికాగానే అంజలి, మమ్ముట్టి తో సినిమా మొదలు పెట్టనున్నట్టు తెలుస్తోంది. అయితే ఇందులో మరో హీరోయిన్ గా ఆండ్రియానాను ఎంపిక చేశారు. మళయాళం సినిమాతోనైనా ఈ రాజోలు బ్యూటీ మరిన్ని అవకాశాలు దక్కించుకోవాలని ఆశిద్దాం.
.jpg)
