ఇప్పుడు అనుష్క నటించిన రెండు సినిమాల కోసం ఎదురు చూస్తున్నారు సినీ అభిమానులు. ఈ రెండు కూడా చారిత్రక కథాంశాలతో తీసినవి కావడంతో మరింత ఆసక్తిగా ఎదురు చూస్తున్నారు. అవి రాజమౌళి సినిమా బాహుబలి ఒకటయితే, మరొకటి గుణశేఖర్ 3 డి స్టీరియోస్కోపిక్ లో తెరకెక్కిస్తున్న రుద్రమదేవి. రాజకుమారి పాత్రలో ఈ మూవీ విడుదల చేసిన అనుష్క ఫస్ట్ లుక్ అద్భుతహ అన్నట్టుగా ఉంది. ఇందులో రాకుమారిగా అనుష్క ఎంత ఠీవీగా ఉందంటే నిజంగా అలనాటి రాకుమార్తెలు ఇలాగే ఉండేవారేమో అనుకునేంతలా... రాకుమారి పాత్ర ఓకే... కానీ అనుష్క కరవాలం చేత బూని యుద్ధాలు చేసేస్తుంటే ఎలా ఉంటుంది? తప్ప కుండా ఆ సీన్ చూసి తీరాల్సిందే...అనిపిస్తుంది కదా... ఈ చిత్రంలో అనుష్క పాత్ర రకరకాలుగా మారిపోతుంటుందట. ఒక క్యారెక్టర్ లో పూర్తిగా మగరాయుడిలా కనిపిస్తుందట. కాకతీయ సామ్రాజ్యంలో ఓ యువతికి కిరీటం ధరిస్తే మగవారిగానే పరిగణిస్తారట. పేరు కూడా మార్చి రుద్రమదేవ అని పిలుస్తారట. రుద్రదేవ సారథ్యంలో సైన్యం రాజ్యంపై దండెత్తే సీన్ ఆ సినిమాకే హైలెట్ అంటున్నారు. ఈ బొమ్మాళి కత్తిపట్టుకుని శత్రువులపై దండత్తే రౌద్రరూపం చూడాలంటే ‘రుద్రమదేవి’ మూవీ రిలీజ్ కోసం ఎదురు చూడాల్సిందే!
.jpg)
