వినడానికే క్రేజీగా ఉన్న ఈ ప్రాజెక్టును డీల్ చేయబోయేది ఫ్యామిలీ చిత్రాల దర్శకుడు కృష్ణ వంశీ. ఆ మధ్య అనుష్కతో రుద్రాక్ష పేరుతో ఓ చిత్రాన్ని తెరకెక్కించేందుకు ప్రయత్నాలు చేస్తున్నట్లు విన్నాం. కానీ, సడన్ గా అనుష్కను తప్పించి ఆ ప్లేస్ లో సమంతను తీసుకున్నట్లు వార్తలు వచ్చాయి. లేడీ ఓరియంటల్ చిత్రాలకు అనుష్క కేరాఫ్ అడ్రస్ గా మారటంతో జనాలు బోర్ గా ఫీలయ్యే అవకాశం ఉండొచ్చన్న ఆలోచనతో అనుష్కను తప్పించినట్లు చెప్పుకొచ్చారు. మధ్యలో నటి, కృష్ణ వంశీ వైఫ్ రమ్యకృష్ణ కూడా ఓ కీలకపాత్రలో నటించనుందని కూడా వినిపించింది. అయితే తాజా అప్ డేట్ ప్రకారం ఈ సినిమాలో అనుష్క, సమంత, రమ్యకృష్ణ ముగ్గురు కూడా నటించనున్నట్లు తెలుస్తోంది.
దిల్ రాజు నిర్మాణ సారథ్యంలో తెరకెక్కనున్న ఈ చిత్రంలో ఇంకో విశేషం కూడా ఉండబోతుందట. అదే ఈ చిత్రంలో ఐదుగురు హీరోలు నటించడం. తెరపై ఈ ముగ్గురికి ఉన్న క్రేజ్ ఏపాటిదో తెలిసిందే. రమ్యకృష్ణ శివగామిగా రీఎంట్రీ ఇచ్చి సత్తెమ్మగా తన సత్తా చాటింది. అనుష్క కేవలం లేడీ ఓరియంటల్ చిత్రాలతో దూసుకెళ్తుంది. ఇక సమంత అటు కోలీవుడ్ లో, ఇటు టాలీవుడ్ లో గ్లామర్ డాల్ గా మారిపోయిది. మరి ఈ ముగ్గురితో తెరకెక్కుతున్న భారీ లేడీ ఓరియంటల్ చిత్రం ఎన్ని రికార్డులు సృష్టిస్తుందో తెలియాలంటే ఈ ప్రాజెక్టుపై ఓ స్పష్టత వచ్చేవరకు ఆగాల్సిందే.
.jpg)
