అనుష్క ప్రధాన పాత్రలో నటించిన 'సైజ్ జీరో' సినిమా ఈ నెల 27న విడుదల కానుంది. ఈ నేపథ్యంలో ఈ సినిమాకి సంబంధించిన ప్రమోషన్ కార్యక్రమాలను వేగవంతం చేశారు. ఈ సినిమా వాయిదా పడుతూ వచ్చినందు వలన, రిలీజ్ డేట్ ప్రేక్షకులకి గుర్తుండేలా చెప్పాలని ఈ సినిమా యూనిట్ భావించింది. దాంతో రిలీజ్ డేట్ తో కూడిన ఆకర్షణీయమైన పోస్టర్లను డిజైన్ చేయించారు. సౌత్ సెంట్రల్ నుంచి తెలంగాణ , ఆంధ్ర, తమిళనాడు సహా వివిధ నగరాలకి వెళ్లే రైళ్ల లోపల, బయట కూడా ఈ పోస్టర్లను అంటించారు.
ప్రయాణానికి రైళ్లను ఉపయోగించేవారి సంఖ్య ఎక్కువగా ఉంటుంది. అందువలన ఈ విధమైన ప్రచారం వలన, ఈ పోస్టర్స్ ఎక్కువమంది దృష్టిని ఆకర్షించి .. థియేటర్స్ కి వచ్చేవారి సంఖ్య పెరుగుతుందని భావిస్తున్నారు. తెలుగు .. తమిళ భాషల్లో ప్రపంచవ్యాప్తంగా విడుదల కానుండటంతో, భారీస్థాయిలో పీవీపీ సంస్థ ఇలా ప్రచారాన్ని నిర్వహిస్తోంది. అనుష్క డిఫరెంట్ లుక్స్ తో కనిపిస్తూ ఉండటం వలన, ఇప్పటికే ఈ సినిమా పట్ల అందరిలోనూ ఆసక్తి వుంది. ఇక కొత్తగా చేస్తోన్న ఈ ప్రమోషన్ ఈ సినిమాకి మరింతగా కలిసి రావడం ఖాయమనే అభిప్రాయాలు వ్యక్తమవుతున్నాయి.
.jpg)
