సైజ్ జీరోకి విడుదల తంటాలేంటి?

మొన్న విడుదలైన బాహుబలిలో ఓ డిఫరెంట్ రోల్ లో కనిపించింది. నిన్న విడుదలైన రుద్రమదేవిలో కత్తి యుద్ధాలు చేసే పవర్ ఫుల్ యువరాణి. ఇక సైజ్ జీరోలో జిహ్వచాపల్యం ఆపుకోలేని వంద కేజీల వనిత. రెండు సినిమాలు హిట్లతో దూసుకుపోతుంటే ఓ సినిమా వాయిదాల మీద వాయిదాలు పడుతూ విడుదలను నోచుకోవడం లేదు. ఆ ఒక్క సినిమా హిట్ అయితే అనుష్క హ్యట్రిక్ కొట్టినట్టే. ప్రముఖ దర్శకుడు ప్రకాష్ కోవెలమూడి దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల సంస్థ PVP బ్యానర్ పై ప్రముఖ నిర్మాత ప్రసాద్ వి. పోట్లూరి నిర్మిస్తున్నారు.
ఈ చిత్రాన్ని దసరా కానుకగా విడుదల చేయాలని అనుకున్నారు. కానీ దసరాకు పలు స్టార్ హీరోల చిత్రాలు విడుదలవుతుండటంతో ‘సైజ్ జీరో’ చిత్రాన్ని వాయిదా వేసారు చిత్ర యూనిట్. కానీ ఈ చిత్ర విడుదల తేదీ నవంబర్ 27కు జరిపారు. తెలుగు, తమిళం భాషలలో ఒకేసారి విడుదల చేయనున్నారు. ఈ చిత్రంలో అనుష్క సరసన ఆర్య నటిస్తుండగా, సోనాల్ చౌహన్ ఓ ప్రత్యేక పాత్రలో నటిస్తుంది.
ఈ చిత్రానికి సంగీతం: యం.యం.కీరవాణి, సినిమాటోగ్రఫీ: నిరవ్ షా, ఆర్ట్: ఆనంద్ సాయి, ఎడిటింగ్: ప్రవీణ్ పూడి, కాస్ట్యూమ్స్: ప్రశాంత్, కథ-స్క్రీన్ ప్లే: కణిక థిల్లాన్ కోవెలమూడి, ఎగ్జిక్యూటివ్ నిర్మాత: సందీప్ గుణ్ణం, నిర్మాత: ప్రసాద్ వి.పొట్లూరి, దర్శకత్వం: ప్రకాష్ కోవెలమూడి.