ఈ ‘బందిపోటు’ ప్రేక్షకులను దోచుకుంటాడట

అల్లరి నరేష్, ఇషా జంటగా ఇంద్రగంటి మోహనకృష్ణ దర్శకత్వంలో ఇ.వి.వి. సినిమా పతాకంపై ఆర్యన్ రాజేష్ నిర్మిస్తున్న చిత్రం 'బందిపోటు'. దొంగల్ని దోచుకో అనేది ఉపశీర్షిక. సంక్రాంతి కానుకగా ఈ చిత్రానికి సంబంధించిన ఆడియో ఆవిష్కరించారు. ఈ ఆడియో ఆవిష్కరణ కు ఎస్ఎస్ రాజమౌళి, యం.యం.కీరవాణి, సీనియర్ నటుడు చలపతిరావు, అల్లరి నరేష్, చిత్ర నిర్మాత రాజేష్, సినిమాటోగ్రాఫర్ పి.జి.విందా, సంగీత దర్శకుడు కళ్యాణ్ కోడూరి, డైరెక్టర్ మోహన కృష్ణ ఇంద్రగంటి, ప్రముఖ నిర్మాత దామోదర్ ప్రసాద్, జెమినీ కిరణ్, హీరో శ్రీకాంత్, ఈష, హరీష్ శంకర్, ఎస్.సీతారామ శాస్త్రి, డాక్టర్ రాజేంద్రప్రసాద్, ఎస్వీ కృష్ణారెడ్డి, డా॥బ్రహ్మానందం, అవసరాల శ్రీనివాస్‌, నాని, సందీప్‌కిషన్‌, నవీన్‌చంద్ర, నవదీప్‌, సుశాంత్‌, సుమంత్‌ ఆశ్విన్‌, నాగశౌర్య, భీమనేని శ్రీనివాసరావు, జి.నాగేశ్వరరెడ్డి, పోసాని కృష్ణమురళి తదితరులు పాల్గొన్నారు. బిగ్‌సీడీని హీరో శ్రీకాంత్‌, ఎస్వీ కృష్ణారెడ్డి, హరీష్‌ శంకర్‌.ఎస్‌ ఆవిష్కరించారు. అడియోను ఎస్‌.ఎస్‌.రాజమౌళి ఆవిష్కరించి యం.యం.కీరవాణికి తొలి సి.డి. అందించారు. కళ్యాణ్‌ కోడూరి సంగీతం అందించిన ఈ ఆడియో లహరి మ్యూజిక్‌ ద్వారా ఆడియో మార్కెట్లోకి విడుదలైంది. ఈ సందర్భంగా పలువురు మాట్లాడారు. హేమాహేమీలైన కమెడియన్స్ ఉన్న ఈ చిత్రం నవ్వుల నరేష్ కు మరో హిట్ మూవీ అవుతుందని ఆశిద్దాం.