హాలీవుడ్ రేంజ్ కు ఎదిగిన ఏకైక తెలుగు దర్శకుడు రాజమౌళి. తను తీసిన ప్రతి చిత్రం హిట్ లిస్టులో చేరిపోయింది. ఆ విధంగా కూడా ఈ దర్శకుడు నెం.1. ఇప్పుడు ఆయన దర్శకత్వంలో ప్రతిష్టాత్మకంగా తెరకెక్కుతున్న చిత్రం ‘బాహుబలి’. తెలుగుతో పాటు హిందీ, తమిళ భాషలలో కూడా ఈ చిత్రాన్ని ప్రపంచ వ్యాప్తంగా విడుదల చేయనున్నారు. ఇప్పటికే ఈ మూడు భాషల వర్షెన్ లకు సంబంధించి ‘బాహుబలి ది బిగినింగ్’ ట్రైలర్ ను విడుదల చేసారు. అన్ని భాషలలో కూడా అద్భుతమైన స్పందన వస్తుంది. హిందీలో మళ్లీ ఓ ప్రెస్ మీట్ పెట్టి చిత్ర యూనిట్ అంతా పాల్గొని హిందీ ట్రైలర్ విడుదల చేసారు. అయితే నిన్న ఈ చిత్ర తమిళ వర్షెన్ కు సంబంధించిన ట్రైలర్ విడుదల కార్యక్రమాన్ని చెన్నైలో ఘనంగా నిర్వహించారు. ఈ కార్యక్రమానికి రాజమౌళి ప్రభాస్, రానా, తమన్నా, అనుష్క, నాజర్, సత్యరాజ్ లతో పాటు చిత్ర యూనిట్ పాల్గొన్నారు. ఈ కార్యక్రమానికి తమిళ నటులు సూర్య మరియు సుహాసిని మణిరత్నంలు వ్యాఖ్యతలు వ్యవహరించారు. ఈ ట్రైలర్ విడుదల కార్యక్రమాన్ని తమిళంలో గ్రాండ్ గా నిర్వహించారు. త్వరలోనే ఆడియోను కూడా భారీ ఎత్తున విడుదల చేయడానికి ఇప్పటికే ఏర్పాట్లు కూడా ప్రారంభమైనట్లుగా తెలిసింది. ఎం.ఎం.కీరవాణి సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. ఈ చిత్రాన్ని జులై 10న ప్రపంచ వ్యాప్తంగా విడుదల చేయనున్నారు.
.jpg)
